جنت کے پتے از نمرہ احمد (قسط 18)

ﻧﺎﻭﻝ؛ ﺟﻨﺖ ﮐﮯ ﭘﺘﮯ
ﻗﺴﻂ 18

" ﮐﯿﻨﯿﮉﯾﻦ ﺷﻮ ﻣﯿﮟ ﮈﯾﮍﮪ ﻣﻠﯿﻦ ﮈﺍﻟﺮ؟ﺑﮩﺖ ﺍﭼﮭﯽ ﮐﻮﺭ ﺳﭩﻮﺭﯼ ﮨﮯ ". ﺍﺱ ﻧﮯ ﺫﺭﺍ ﺳﺎ ﮨﻨﺲ ﮐﺮ ﺳﺮ ﺟﮭﭩﮑﺎ . ﺳﺎﺗﮫ ﮨﯽ ﻭﮦ ﻓﺮﺍﺋﻨﮓ ﭘﯿﻦ ﻣﯿﮟ ﻓﺮﺍﺉ ﮨﻮﺗﯽ ﺳﺒﺰﯾﻮﮞ ﮐﻮ ﺑﺠﺎﮰ ﮐﻔﮕﯿﺮ ﺳﮯ ﮨﻼﻧﮯ ﮐﮯ،ﻓﺮﺍﺋﻨﮓ ﭘﯿﻦ ﮐﺎ ﮨﯿﻨﮉﻝ ﭘﮑﮍﮮ ﺩﺍﺋﯿﮟ ﺑﺎﺋﯿﮟ ﺗﻮ ﮐﺒﮭﯽ ﺍﻭﭘﺮ ﻧﯿﭽﮯ ﮨﻼ ﺭﮨﺎ ﺗﮭﺎ . ﺳﺒﺰﯾﺎﮞ ﭼﻨﺪ ﺍﻧﭻ ﺍﻭﭘﺮ ﮐﻮ ﺍﮌﺗﯿﮟ ﺍﻭﺭ ﭘﮭﺮ ﻭﺍﭘﺲ ﭘﯿﻦ ﻣﯿﮟ ﺁﮔﺮﺗﯿﮟ .

" ﮐﯿﺎ ﻣﻄﻠﺐ؟ " ﺍﺱ ﻧﮯ ﻧﺎ ﺳﻤﺠﮭﯽ ﺳﮯ ﺍﺳﮯ ﺩﯾﮑﮭﺎ .

" ﺍﮔﺮ ﮐﺴﯽ ﭘﺎﮐﺴﺘﺎﻧﯽ ﻧﮯ ﮐﯿﻨﯿﮉﯾﻦ ﺷﻮ ﻣﯿﮟ ﺍﺗﻨﯽ ﺧﻄﯿﺮ ﺭﻗﻢ ﺟﯿﺘﯽ ﮨﻮﺗﯽ ﺗﻮ ﻣﯿﮉﯾﺎ ﭘﮧ ﮨﺮ ﺟﮕﮧ ﺁﭼﮑﺎ ﮨﻮﺗﺎ . ﻣﺠﮭﮯ ﺗﻮ ﻭﮦ ﻟﮍﮐﺎ ﺷﮑﻞ ﺳﮯ ﮨﯽ ﮐﺮﻣﻨﻞ ﻟﮓ ﺭﮨﺎ ﺗﮭﺎ . ﺗﺎﺯﮦ ﺗﺎﺯﮦ ﺁﺉ ﺑﻠﯿﮏ ﻣﻨﯽ ﮐﻮ ﻭﺍﺋﭧ ﮐﺮﻧﮯ ﮐﮯ ﻟﯿﮯ ﮐﻮﺭ ﺑﻨﺎﯾﺎ ﮨﮯ ﺍﻭﺭ ﮐﯿﺎ ".

" ﺍﭼﮭﺎ "! ﺍﺳﮯ ﺗﻌﺠﺐ ﮨﻮﺍ . ﺍﺱ ﺗﮩﺞ ﭘﮧ ﺗﻮ ﺍﺱ ﻧﮯ ﺳﻮﭼﺎ ﮨﯽ ﻧﮩﯿﮟ ﺗﮭﺎ،ﺍﻟﺒﺘﮧ ﮐﺮﻣﻨﻞ ﺳﮯ ﺍﺳﮯ ﮐﭽﮫ ﯾﺎﺩ ﺁﯾﺎ ﺗﮭﺎ .

" ﺟﮩﺎﻥ ﺗﻤﮩﺎﺭﮮ ﺭﯾﺴﭩﻮﺭﻧﭧ ﭘﮧ ﺟﻮ ﺣﻤﻠﮧ ﮨﻮﺍ ﺗﮭﺎ ﺍﺱ ﮐﺎ ﮐﭽﮫ ﭘﺘﺎ ﭼﻼ؟ "

" ﻧﮩﯿﮟ ". ﻭﮦ ﮔﺮﺩﻥ ﺗﺮﭼﮭﯽ ﮐﯿﮯ،ﺳﺎﺱ ﮐﯽ ﺑﻮﺗﻞ ﭘﯿﻦ ﻣﯿﮟ ﺍﻧﮉﯾﻞ ﺭﮨﺎ ﺗﮭﺎ ". ﺣﺎﻻﻧﮑﮧ ﻣﯿﺮﯼ ﺍﺳﺘﻨﺒﻮﻝ ﻣﯿﮟ ﮐﺴﯽ ﺳﮯ ﮐﻮﺉ ﺩﺷﻤﻨﯽ ﻧﮩﯿﮟ ﮨﮯ . ﻗﻮﯼ ﺍﻣﮑﺎﻥ ﮨﮯ ﮐﮧ ﮐﺴﯽ ﺍﻭﺭ ﮐﮯ ﺩﮬﻮﮐﮯ ﻣﯿﮟ ﺍﻥ ﻟﻮﮔﻮﮞ ﻧﮯ ﻣﯿﺮﺍ ﺭﯾﺴﭩﻮﺭﻧﭧ ﺍﻟﭧ ﺩﯾﺎ .

ﺍﯾﮏ ﺩﺷﻤﻨﯽ ﺗﻮ ﺧﯿﺮ ﺍﺏ ﺍﺱ ﮐﯽ ﺑﻦ ﭼﮑﯽ ﺗﮭﯽ، ﻣﮕﺮ ﻭﮦ ﺗﻮ ﺧﻮﺩ ﺑﮭﯽ ﺍﺱ ﺳﮯ ﻭﺍﻗﻒ ﻧﮩﯿﮟ ﺗﮭﺎ .

" ﺗﻢ ﺗﻮ ﮐﮩﺘﮯ ﺗﮭﮯ ﮐﮧ ﺍﺳﺘﻨﺒﻮﻝ ﻣﯿﮟ ﺍﯾﺴﺎ ﮐﻮﺉ ﮐﺮﺍﺋﻢ ﺳﯿﻦ ﻧﮩﯿﮟ ﮨﮯ؟ "

" ﺧﯿﺮ،ﺍﺏ ﺍﺗﻨﮯ ﺑﮭﯽ ﺑﺮﮮ ﺣﺎﻻﺕ ﻧﮩﯿﮟ ﮨﯿﮟ ﺍﻭﺭ ﮈﺍﺭﮎ ﺳﺎﺋﯿﮉ ﺗﻮ ﮨﺮ ﺑﮍﮮ ﺷﮩﺮ ﮐﯽ ﮨﻮﺗﯽ ﮨﮯ ".

ﻭﮦ ﭼﻮﻟﮩﮯ ﮐﮯ ﺳﺎﻣﻨﮯ ﮐﮭﮍﺍ،ﺍﺱ ﮐﯽ ﻃﺮﻑ ﭘﺸﺖ ﮐﯿﮯ،ﭘﯿﻦ ﻣﯿﮟ ﻗﯿﻤﮧ ﺑﮭﻮﻥ ﺭﮨﺎ ﺗﮭﺎ . ﻗﯿﻤﮯ ﺍﻭﺭ ﺷﻤﻠﮧ ﻣﺮﭺ ﮐﯽ ﺑﮭﯿﻨﯽ ﺑﮭﯿﻨﯽ،ﺍﺷﺘﮩﺎ ﺍﻧﮕﯿﺰ ﺳﯽ ﻣﮩﮏ ﺳﺎﺭﮮ ﻣﯿﮟ ﭘﮭﯿﻠﻨﮯ ﻟﮕﯽ ﺗﮭﯽ . ﺍﺱ ﮐﯽ ﮔﻢ ﮔﺸﺘﮧ ﺑﮭﻮﮎ ﺑﮭﻮﮎ ﺍﯾﮏ ﺩﻡ ﺳﮯ ﺟﺎﮒ ﺍﭨﮭﯽ .

" ﺗﻤﮩﯿﮟ ﭘﺎﮐﺴﺘﺎﻥ ﺁﮐﺮ ﮐﯿﺴﺎ ﻟﮕﺎ ﺟﮩﺎﻥ "! ﻭﮦ ﭨﮭﻮﮌﯼ ﺗﻠﮯ ﻣﭩﮭﯽ ﺭﮐﮭﮯ ﺍﺳﮯ ﺩﯾﮑﮭﺘﯽ ﺳﺎﺩﮔﯽ ﺳﮯ ﭘﻮﭼﮭﻨﮯ ﻟﮕﯽ . ﯾﮧ ﯾﮩﺎﮞ ﺁﻧﮯ ﮐﮯ ﺑﻌﺪ ﺍﻥ ﮐﯽ ﭘﮩﻠﯽ ﺑﺎﺿﺎﺑﻄﮧ ﮔﻔﺘﮕﻮ ﺗﮭﯽ .

" ﺍﭼﮭﺎ ﻟﮕﺎ ﺑﻠﮑﮧ ﺑﮩﺖ ﺍﭼﮭﺎ ﻟﮕﺎ،ﻣﮕﺮ ﻓﺮﻗﺎﻥ ﻣﺎﻣﻮﮞ ﮐﯽ ﺑﺎﺗﯿﮟ ..... ﻣﯿﮟ ﻧﮯ ﺗﻮ ﺧﻮﺍﺏ ﻣﯿﮟ ﺑﮭﯽ ﻧﮩﯿﮟ ﺳﻮﭼﺎ ﺗﮭﺎ ﮐﮧ ﻣﯿﺮﮮ ﺭﺷﺘﮧ ﺩﺍﺭ ﺍﺗﻨﯽ ﺗﯿﮑﮭﯽ ﺑﺎﺗﯿﮟ ﺑﮭﯽ ﮐﺮ ﻟﯿﺘﮯ ﮨﻮﻧﮕﮯ ". ﺍﺱ ﻧﮯ ﺟﯿﺴﮯ ﺟﮭﺮ ﺟﮭﺮﯼ ﻟﮯ ﮐﺮ ﺳﺮ ﺟﮭﭩﮑﺎ . ﺁﺝ ﻭﮦ ﺳﺎﺭﺍ ﺩﻥ ﺗﺎﯾﺎ ﻓﺮﻗﺎﻥ ﮐﯽ ﮐﻤﭙﻨﯽ ﻣﯿﮟ ﺭﮨﺎ ﺗﮭﺎ ﺗﻮ ﯾﮧ ﺭﺩﻋﻤﻞ ﻓﻄﺮﯼ ﺗﮭﺎ .

" ﻭﮦ ﺍﺗﻨﮯ ﺗﯿﮑﮭﮯ ﻧﮩﯿﮟ ﮨﯿﮟ،ﺍﻭﺭ ﺑﮩﺖ ﭘﯿﺎﺭ ﮐﺮﺗﮯ ﮨﯿﮟ ﮨﻢ ﻟﻮﮔﻮﮞ ﺳﮯ،ﺑﺲ ﺍﻥ ﮐﮯ ﺍﭘﻨﮯ ﻧﻈﺮﯾﺎﺕ ﮨﯿﮟ ﺟﻮ ﺍﺗﻨﮯ ﺳﺨﺖ ﮨﯿﮟ ﮐﮧ ﺍﮔﺮ ﮐﻮﺉ ﺍﻥ ﭘﺮ ﭘﻮﺭﺍ ﻧﮧ ﺍﺗﺮﮮ ﺗﻮ ﻭﮦ ﺍﺱ ﮐﯽ ﮔﺮﯾﮉﻧﮓ ﺑﮩﺖ ﻧﯿﭽﮯ ﮐﺮ ﺩﯾﺘﮯ ﮨﯿﮟ ".

" ﻭﺍﭦ ﺍﯾﻮﺭ "! ﻭﮦ ﺍﺏ ﺍﺑﻠﯽ ﭘﺎﺳﺘﺎ ﮐﮯ ﭘﺘﯿﻠﮯ ﻣﯿﮟ ﻗﯿﻤﮧ ﺍﻭﺭ ﺳﺎﺱ ﺍﻧﮉﯾﻞ ﺭﮨﺎ ﺗﮭﺎ . ﭘﮭﺮ ﺍﻥ ﮐﻮ ﺍﭼﮭﯽ ﻃﺮﺡ ﻣﮑﺲ ﮐﺮ ﮐﮯ ﺍﺱ ﻧﮯ ﺍﺳﮯ ﺩﻡ ﭘﮧ ﺭﮐﮫ ﺩﯾﺎ ﺍﻭﺭ ﺳﻨﮏ ﮐﯽ ﭨﻮﻧﭩﯽ ﮐﮭﻮﻝ ﮐﺮ ﮨﺎﺗﮫ ﺩﮬﻮﻧﮯ ﻟﮕﺎ . ﻭﮦ ﺳﻤﺠﮭﯽ،ﺍﺏ

ﻭﮦ ﺍﺱ ﮐﮯ ﭘﺎﺱ ﺁﮐﺮ ﺑﯿﭩﮭﮯ ﮔﺎ،ﻣﮕﺮ ﻭﮦ ﮨﺎﺗﮫ ﺩﮬﻮ ﮐﺮ ﺍﺏ ﺳﺎﺭﺍ ﭘﮭﯿﻼﻭﺍ ﺳﻤﯿﭩﻨﮯ ﻟﮕﺎ ﺗﮭﺎ . ﺟﮭﻮﭨﮯ ﺑﺮﺗﻦ،ﺳﺒﺰﯾﻮﮞ ﮐﮯ ﭼﮭﻠﮑﮯ،ﺧﺎﻟﯽ ﺷﺎﭘﺮ .. ﻭﮦ ﺟﻠﺪﯼ ﺳﮯ ﺍﭨﮭﯽ .

" ﻣﯿﮟ ﮐﺮ ﺩﯾﺘﯽ ﮨﻮﮞ ".

" ﭘﻠﯿﺰ ﺗﻢ ﺑﯿﭩﮭﯽ ﺭﮨﻮ،ﺟﺘﻨﯽ ﭘﮭﻮﮨﮍ ﺗﻢ ﮨﻮ ﻣﯿﮟ ﺟﺎﻧﺘﺎﮨﻮﮞ . ﺍﮔﺮ ﺗﻢ ﻧﮯ ﻣﯿﺮﯼ ﻣﺪﺩ ﮐﺮﻭﺍﺉ ﺗﻮ ﺩﻭ ﮔﮭﻨﭩﮯ ﻟﮓ ﺟﺎﺋﯿﮟ ﮔﮯ،ﺟﺒﮑﮧ ﻣﯿﮟ ﺍﮐﯿﻼ ﮐﺮﻭﮞ ﺗﻮ ﺩﻭ ﻣﻨﭧ ﻣﯿﮟ ﮨﻮ ﺟﺎﮰ ﮔﺎ ".

" ﭨﮭﯿﮏ ﮨﮯ، ﺧﻮﺩ ﮨﯽ ﮐﺮﻭ ". ﻭﮦ ﻗﺪﺭﮮ ﺧﻔﮕﯽ ﺳﮯ ﮐﮩﺘﯽ ﮨﻮﺉ ﺩﻭﺑﺎﺭﮦ ﺑﯿﭩﮫ ﮔﺊ .

ﺍﻭﺭ ﻭﺍﻗﻌﯽ،ﺍﺱ ﻧﮯ ﺩﻭ ﺗﯿﻦ ﻣﻨﭧ ﻣﯿﮟ ﮨﺮ ﭼﯿﺰ ﺍﭘﻨﯽ ﺟﮕﮧ ﭘﮧ ﺭﮐﮫ ﺩﯼ . ﭼﻨﺪ ﺍﯾﮏ ﺑﺮﺗﻦ ﺟﻮ ﭘﮑﺎﻧﮯ ﮐﮯ ﺩﻭﺭﺍﻥ ﻣﯿﻠﮯ ﮨﻮﮰ ﺗﮭﮯ،ﻭﮦ ﺩﮬﻞ ﮐﺮ ﺍﺳﭩﯿﻨﮉ ﻣﯿﮟ ﻟﮓ ﮔﮱ ﺍﻭﺭ ﺳﻠﯿﺐ ﭼﻤﮑﺎ ﺩﯾﮯ ﮔﮱ، ﻭﮦ ﺑﻨﺪﮦ ﮐﻤﺎﻡ ﮐﺎ ﺗﮭﺎ .

" ﺗﻢ ﮐﺐ ﺳﮯ ﺭﯾﺴﭩﻮﺭﻧﭧ ﭼﻼ ﺭﮨﮯ ﮨﻮ؟ "

" ﺍﺏ ﺗﻮ ﺑﮩﺖ ﻋﺮﺻﮧ ﮨﻮ ﮔﯿﺎ . ﺍﭼﮭﺎ ﻣﯿﮟ ﺑﺮﺗﻦ ﻟﮕﺎﺗﺎ ﮨﻮﮞ،ﺗﻢ ﺳﻠﯿﻤﺎﻥ ﻣﺎﻣﻮﮞ ﮐﻮ ﺑﻼ ﻻﺅ،ﺍﻧﮩﻮﮞﻨﮯ ﺑﮭﯽ ﮐﮭﺎﻧﺎ ﻧﮩﯿﮟ ﮐﮭﺎﯾﺎ ﺗﮭﺎ ".

" ﺍﺭﮮ ﮨﺎﮞ "! ﻭﮦ ﻣﺎﺗﮭﮯ ﭘﮧ ﮨﺎﺗﮫ ﻣﺎﺭﺗﯽ ﺍﭨﮭﯽ،ﭘﮭﺮ ﻧﮕﺎﮦ ﺍﺱ ﮐﮯ ﺳﻠﻮﺭ ﺍﺳﻤﺎﺭﭦ ﻓﻮﻥ ﭘﮧ ﭘﮍﯼ ﺟﻮ ﻣﯿﺰ ﭘﮧ ﺭﮐﮭﺎ ﺗﮭﺎ .

" ﺗﻤﮩﯿﮟ ﭘﺘﺎ ﮨﮯ،ﮈﯼ ﺟﮯ ﮐﻮ ﺗﻤﮩﺎﺭﺍ ﻓﻮﻥ ﺑﮩﺖ ﭘﺴﻨﺪ ﺗﮭﺎ . ﻭﮦ ﮨﻤﯿﺸﮧ ﮐﮩﺘﯽ ﺗﮭﯽ ﺟﮩﺎﻥ ﺳﮯ ﮐﮩﻨﺎ،ﺟﺐ ﺍﭘﻨﺎ ﯼ 287

ﮈﮬﺎﺉ ﻻﮐﮫ ﮐﺎ ﻓﻮﻥ ﭘﮭﯿﻨﮑﻨﺎ ﮨﻮ ﺗﻮ ﺳﺒﺎﻧﺠﯽ ﮐﮯ ﺑﺎﮨﺮ ﮨﯽ ﭘﮭﯿﻨﮑﮯ ". ﻭﮦ ﺍﺩﺍﺳﯽ ﺳﮯ ﻣﺴﮑﺮﺍ ﮐﺮ ﺑﻮﻟﯽ ﺗﻮ ﻭﮦ ﮨﻨﺲ ﺩﯾﺎ .

" ﻭﯾﺴﮯ ﯾﮧ ﺍﺱ ﮐﮯ ﻟﮕﺎﮰ ﮔﮱ ﺗﺨﻤﯿﻨﮯ ﺳﮯ ﮐﮩﯿﮟ ﺯﯾﺎﺩﮦ ﻣﮩﻨﮕﺎ ﮨﮯ ".

" ﺍﭼﮭﺎ ". ﺍﺳﮯ ﺫﺭﺍ ﺣﯿﺮﺕ ﮨﻮﺉ ". ﺍﺗﻨﺎ ﻗﯿﻤﺘﯽ ﻓﻮﻥ ﮐﯿﻮﮞ ﺧﺮﯾﺪﺍ ﺗﻢ ﻧﮯ؟ "

" ﺧﺮﯾﺪﺍ ﻧﮩﯿﮟ ﺗﮭﺎ،ﮔﻔﭧ ﻣﻼ ﺗﮭﺎ . ﺍﺳﭙﯿﺸﻞ ﮔﻔﭧ "! ﻭﮦ ﻣﺴﮑﺮﺍ ﮐﮯ ﺟﯿﺴﮯ ﮐﭽﮫ ﯾﺎﺩ ﮐﺮ ﮐﮧ ﺑﻮﻻ .

" ﮐﺲ ﻧﮯ ﺩﯾﺎ ﺗﮭﺎ؟ "

" ﺳﻢ ﻭﻥ ﺍﺳﭙﯿﺸﻞ ! ﺍﭼﮭﺎ ﺟﺎﺅ . ﺍﺑﮭﯽ ﻣﺎﻣﻮﮞ ﮐﻮ ﺑﻼ ﻻﺅ "!

ﻭﮦ ﭨﺎﻝ ﮔﯿﺎ ﺗﻮ ﻭﮦ ﺷﺎﻧﮯ ﺍﭼﮑﺎﺗﯽ ﻭﮨﺎﮞ ﺳﮯ ﭼﻠﯽ ﮔﺊ . ﺍﺑﺎ ﮐﺎ ﺩﺭﻭﺍﺯﮦ ﺑﺠﺎ ﮐﺮ،ﻭﮨﯿﮟ ﺳﮯ ﺑﻼ ﮐﺮ ﻭﮦ ﻭﺍﭘﺲ ﻻﺅﻧﺞ ﻣﯿﮟ ﺁﺉ ﺗﻮ ﻭﮦ ﻭﮨﺎﮞ ﻣﯿﺰ ﭘﺮ ﭘﻠﯿﭩﯿﮟ ﺍﻭﺭ ﮔﻼﺱ ﺭﮐﮫ ﺭﮨﺎ ﺗﮭﺎ . ﻭﮦ ﺑﮍﮮ ﺻﻮﻓﮯ ﭘﮧ ﺑﯿﭩﮭﯽ ﺍﻭﺭ ﺭﯾﻤﻮﭦ ﺍﭨﮭﺎ ﮐﺮ ﭨﯽ ﻭﯼ ﭼﻼ ﺩﯾﺎ .

ﺟﺲ ﻭﻗﺖ ﺍﺑﺎ ﺫﺭﺍ ﺣﯿﺮﺕ ﺳﮯ ﺑﺎﮨﺮ ﺁﮰ،ﺟﮩﺎﻥ ﭘﺎﺳﺘﺎ ﮐﯽ ﮈﺵ ﺍﭨﮭﺎﮰ ﮐﭽﻦ ﺳﮯ ﻧﮑﻞ ﺭﮨﺎ ﺗﮭﺎ،ﺍﻭﺭﻭﮦ ﻣﺰﮮ ﺳﮯ ﺍﭘﻨﮯ ﮐﺎﻡ ﺩﺍﺭ ﺟﻮﮌﮮ ﻣﯿﮟ ﭨﺎﻧﮓ ﭘﮧ ﭨﺎﻧﮓ ﺭﮐﮭﮯ ﺑﯿﭩﮭﯽ ﭼﯿﻨﻞ ﺑﺪﻝ ﺭﮨﯽ ﺗﮭﯽ .

" ﺍﺑﺎ "! ﺍﻥ ﮐﻮ ﺩﯾﮑﮫ ﮐﺮ ﺟﻠﺪﯼ ﺳﮯ ﺍﭨﮭﯽ ﺍﻭﺭ ﺟﮩﺎﻥ ﮐﮯ ﮨﺎﺗﮫ ﺳﮯ ﭨﺮﮮ ﻟﯽ .

" ﺳﻮﺭﯼ ﻣﺎﻣﻮﮞ ! ﮨﻢ ﻧﮯ ﺁﭖ ﮐﻮ ﺍﭨﮭﺎ ﺩﯾﺎ . ﺁﭖ ﻧﮯ ﮐﮭﺎﻧﺎ ﻧﮩﯿﮟ ﮐﮭﺎﯾﺎ ﺗﮭﺎ ﺳﻮ .... ﺍﺱ ﻧﮯ ﺍﻥ ﮐﯽ ﻃﺮﻑ ﭘﻠﯿﭧ ﺑﮍﮬﺎﺉ .

" ﺗﮭﯿﻨﮏ ﯾﻮ ". ﺍﺑﺎ ﻧﮯ ﻗﺪﺭﮮ ﻧﺎﺳﻤﺠﮭﯽ ﺳﮯ ﮐﮭﺎﻧﮯ ﮐﻮ ﺩﯾﮑﮭﺎ ﺍﻭﺭ ﭘﮭﺮ ﺣﯿﺎ ﮐﻮ ". ﯾﮧ ﺗﻢ ﻧﮯ ﺑﻨﺎﯾﺎ ﮨﮯ؟ "

" ﻧﮩﯿﮟ،ﺟﮩﺎﻥ ﻧﮯ "! ﻭﮦ ﻣﺴﮑﺮﺍﮨﭧ ﺩﺑﺎ ﮔﺊ .

" ﻭﯾﺴﮯ

ﻣﺎﻣﻮﮞ ! ﯾﮧ ﺍﭨﺎﻟﯿﻦ ﺭﯾﺴﭙﯽ ﻧﮩﯿﮟ ﮨﮯ،ﺫﺭﺍﺩﯾﺴﯽ ﺍﺳﭩﺎﺋﻞ ﻣﯿﮟ ﺑﻨﺎﯾﺎ ﮨﮯ ﺟﯿﺴﮯ ﻣﻤﯽ ﺑﻨﺎﺗﯽ ﮨﯿﮟ،ﺁﭖ ﮐﻮ ﭘﺎﺳﺘﺎ ﻣﯿﮟ ﻗﯿﻤﮧ ﭘﺴﻨﺪ ﮨﮯ ﻧﺎ،ﻣﻤﯽ ﻧﮯ ﺑﺘﺎﯾﺎ ﺗﮭﺎ ﻣﺠﮭﮯ ".

ﺳﻠﯿﻤﺎﻥ ﺻﺎﺣﺐ ﭼﻮﻧﮏ ﮐﺮ ﺍﺳﮯ ﺩﯾﮑﮭﻨﮯ ﻟﮕﮯ . ﺍﺱ ﮐﻮ ﺩﻝ ﺗﻮﮌﻧﮯ ﮐﺎ ﻓﻦ ﺁﺗﺎ ﺗﮭﺎ ،ﺗﻮ ﭨﻮﭨﮯ ﮨﻮﮰ ﺩﻟﻮﮞ ﮐﻮ ﺩﻭﺑﺎﺭﮦ ﺳﮯ ﺟﻮﮌ ﮐﺮ ﺍﻧﮩﯿﮟ ﺟﯿﺘﻨﮯ ﮐﺎ ﻓﻦ ﺑﮭﯽ ﺁﺗﺎ ﺗﮭﺎ .

ﻭﮦ ﺍﭘﻨﯽ ﺟﮕﮧ ﺑﯿﭩﮭﯽ ﺭﮦ ﮔﺊ ﺍﺳﮯ ﺍﺏ ﺍﺣﺴﺎﺱ ﮨﻮﺍ ﺗﮭﺎﮐﮧ ﻭﮦ ﺭﻑ ﺍﻭﺭ ﭨﻒ ﺳﺎ ﺑﻨﺪﮦ ﺗﻮ ﺑﮭﻮﮐﺎ ﺑﮭﯽ ﺳﻮ ﺟﺎﺗﺎ ﻣﮕﺮ ﺭﺍﺕ ﮐﮯ ﺍﯾﮏ ﺑﺠﮯ ﺍﮔﺮ ﺍﺱ ﻧﮯ ﯾﮧ ﺍﮨﺘﻤﺎﻡ ﮐﯿﺎ ﺗﮭﺎ ﺗﻮ ﺻﺮﻑ ﺍﻭﺭ ﺻﺮﻑ ﺍﺑﺎ ﮐﮯ ﻟﯿﮯ،ﮐﯿﻮﻧﮑﮧ ﺍﺳﮯ ﯾﺎﺩ ﺗﮭﺎ ﮐﮧ ﺍﺑﺎ ﻧﮯ ﮐﮭﺎﻧﺎ ﻧﮩﯿﮟ ﮐﮭﺎﯾﺎ ﺍﻭﺭ ﺍﺳﮯ ﺷﺎﯾﺪ ﺍﺣﺴﺎﺱ ﮨﻮﮔﯿﺎ ﺗﮭﺎ ﮐﮧ ﻭﮦ ﺍﺱ ﺳﮯ ﺫﺭﺍ ﮐﮭﯿﻨﭽﮯ ﮐﮭﯿﻨﭽﮯ ﺳﮯ ﺭﮨﺘﮯ ﮨﯿﮟ . ﺍﻭﺭ ﺣﯿﺎ ﮐﻮ ﺧﻮﺩ ﺍﺏ ﯾﺎﺩ ﺁﯾﺎ ﺗﮭﺎ ﮐﮧ ﻗﯿﻤﮧ ﻭﺍﻻ ﭘﺎﺳﺘﺎ ﺍﺑﺎ ﮐﺎ ﭘﺴﻨﺪﯾﺪﮦ ﺗﮭﺎ . ﻭﮦ ﺟﺎﻧﺘﯽ ﺗﮭﯽ ﮐﮧ ﺍﺱ ﻋﻤﻞ ﺳﮯ ﺟﮩﺎﻥ ﻧﮯ ﺍﭘﻨﮯ ﺍﻭﺭ ﺍﺑﺎ ﮐﮯ ﺩﺭﻣﯿﺎﻥ ﺣﺎﺋﻞ ﺑﺮﻑ ﮐﻮ ﭘﮕﮭﻼﻧﮯ ﮐﯽ ﮐﻮﺷﺶ ﮐﯽ ﺗﮭﯽ .

ﭘﺎﺳﺘﺎ ﺑﮩﺖ ﻣﺰﮮ ﮐﺎ ﺗﮭﺎ . ﻣﻨﮧ ﻣﯿﮟ ﺟﺎﺗﮯ ﮨﯽ ﮔﮭﻞ ﺟﺎﻧﮯ ﻭﺍﻻ . ﺳﻠﯿﻤﺎﻥ ﺻﺎﺣﺐ ﻧﮯ ﺗﻌﺮﯾﻒ ﻧﮩﯿﮟ ﮐﯽ،ﻣﮕﺮ ﺍﻥ ﮐﮯ ﭼﮩﺮﮮ ﺳﮯ ﻇﺎﮨﺮ ﺗﮭﺎ ﮐﮧ ﺍﻧﮩﯿﮟ ﺍﭘﻨﺎ ﯾﻮﮞ ﺧﯿﺎﻝ ﮐﯿﺎ ﺟﺎﻧﺎ ﺍﭼﮭﺎ ﻟﮕﺎ ﺗﮭﺎ . ﻭﮦ ﺧﻮﺩ ﺑﮭﯽ ﺑﮩﺖ ﺷﻮﻕ ﺳﮯ ﮐﮭﺎ ﺭﮨﯽ ﺗﮭﯽ . ﮈﯼ ﺟﮯ ﮐﮯ ﺑﻌﺪ ﯾﮧ ﭘﮩﻼ ﮐﮭﺎﻧﺎ ﺗﮭﺎ،ﺟﻮ ﺍﺱ ﻧﮯ ﺩﻝ ﺳﮯ ﮐﮭﺎﯾﺎ ﺗﮭﺎ .

" ﮐﻮﻧﯿﺎ ﻣﯿﮟ ﺩﻭ ﻟﮍﮐﯿﻮﮞ ﮐﺎ ﺍﻏﻮﺍ ".

ﭨﯽ ﻭﯼ ﺍﺳﮑﺮﯾﻦ ﭘﮧ ﺑﯽ

ﺑﯽ ﺳﯽ ﭼﻞ ﺭﮨﺎ ﺗﮭﺎ،ﺍﻭﺭﺟﻮ ﺧﺒﺮ ﻧﯿﻮﺯ ﮐﺎﺳﭩﺮ ﻧﮯ ﭘﮍﮬﯽ،ﺍﺱ ﭘﮧ ﺍﻥ ﺗﯿﻨﻮﮞ ﻧﮯ ﭼﻮﻧﮏ ﮐﺮ ﺳﺮ ﺍﭨﮭﺎﯾﺎ . ﮐﻮﻧﯿﺎ ﺗﺮﮐﯽ ﮐﺎ ﺷﮩﺮ ﺗﮭﺎ .

ﺟﮩﺎﻥ ﻧﮯ ﺑﺠﻠﯽ ﮐﯽ ﺗﯿﺰﯼ ﺳﮯ ﺭﯾﻤﻮﭦ ﺍﭨﮭﺎﯾﺎ ﺍﻭﺭ ﭼﯿﻨﻞ ﺑﺪﻝ ﺩﯾﺎ .

" ﮐﯿﺎ ﮐﮩﺎ ﺍﺱ ﻧﮯ .... ﮐﻮﻧﯿﺎ؟ " ﺍﺑﺎ ﺟﻮ ﺑﺎﺗﮫ ﺭﻭﮎ ﮐﺮ ﺍﺳﮑﺮﯾﻦ ﮐﻮ ﺩﯾﮑﮭﻨﮯ ﻟﮕﮯ ﺗﮭﮯ،ﭼﯿﻨﻞ ﺗﺒﺪﯾﻞ ﮨﻮﻧﮯ ﭘﮧ ﺍﻟﺠﮫ ﮐﺮ ﺟﮩﺎﻥ ﮐﻮ ﺩﯾﮑﮭﺎ . ﻭﮦ ﺳﺎﺩﮔﯽ ﺳﮯ ﻣﺴﮑﺮﺍ ﺩﯾﺎ .

" ﻧﮩﯿﮟ،ﮐﻮﻧﯿﺎ ﻧﮩﯿﮟ، ﺍﺱ ﻧﮯ ﮐﮩﺎ ﺗﮭﺎ ﮐﯿﻨﯿﺎ .... ﺍﻭﺭ ﻟﯿﮟ ﺑﻨﺎ "! ﻭﮦ ﺭﯾﻤﻮﭦ ﺍﯾﮏ ﻃﺮﻑ ﺭﮐﮫ ﮐﺮ ﺍﻧﮩﯿﮟ ﭘﮭﺮ ﺳﮯ ﺳﺮﻭ ﮐﺮﻧﮯ ﻟﮓ ﮔﯿﺎ . ﺍﺑﺎ ﻧﮯ ﺫﺭﺍ ﺗﺬﺑﺬﺏ ﺳﮯ ﺳﺮ ﮨﻼﯾﺎ،ﮔﻮﯾﺎ ﻭﮦ ﺍﭘﻨﯽ ﺳﻤﺎﻋﺖ ﮐﮯ ﺩﮬﻮﮐﺎ ﺩﯾﻨﮯ ﭘﮧ ﺍﻟﺠﮭﮯ ﮨﻮﮰ ﺗﮭﮯ . ﺣﯿﺎ ﻧﮯ ﺟﮩﺎﻥ ﮐﻮ ﺩﯾﮑﮭﺎ ﺍﻭﺭ ﺟﮩﺎﻥ ﻧﮯ ﺍﺳﮯ،ﭘﮭﺮ ﺩﻭﻧﻮﮞ ﺯﯾﺮ ﻟﺐ ﻣﺴﮑﺮﺍ ﺩﯾﮯ .

ﺍﺑﮭﯽ ﻭﮦ ﺍﺑﺎ ﮐﮯ ﺳﺎﻣﻨﮯ ﺗﺮﮐﯽ ﮐﺎ ﺍﻣﯿﺞ ﺳﺒﻮﺗﺎﺯ ﮨﻮﺗﺎ ﺩﯾﮑﮭﻨﮯ ﮐﮯ ﻣﺘﺤﻤﻞ ﻧﮩﯿﮟ ﺗﮭﮯ .

۰۰۰۰۰۰۰۰۰۰۰۰

ﺑﺎﺭﺍﺕ ﮐﮯ ﻟﯿﮯ ﻭﮦ ﻣﯿﺮﺝ ﮨﺎﻝ ﮐﯽ ﺟﺎﻧﺐ ﺭﻭﺍﮞ ﺩﻭﺍﮞ ﺗﮭﮯ،ﺍﺑﺎ ﮈﺭﺍﺋﯿﻮ ﮐﺮ ﺭﮨﮯ ﺗﮭﮯ ﺍﻭﺭ ﻭﮦ ﺁﺝ ﭼﭗ ﻧﮭﯿﮟ ﺗﮭﮯ

ﺑﻠﮑﮧ ﻓﺮﻧﭧ ﺳﯿﭧ ﭘﮧ ﺑﯿﭩﮭﮯ ﺟﮩﺎﻥ ﮐﻮ ﺳﮍﮎ ﮐﮯ ﺍﻃﺮﺍﻑ ﻣﯿﮟ ﮔﺰﺭﺗﯽ ﺟﮕﮩﻮﮞ ﮐﮯ ﺑﺎﺭﮮ ﻣﯿﮟ ﻣﺨﺘﺼﺮ ﻓﻘﺮﻭﮞ ﻣﯿﮟ ﺁﻏﺎﮨﯽ ﺩﮮ ﺭﮨﮯ ﺗﮭﮯ . ﻭﮦ ﺑﮭﯽ ﺟﻮﺍﺑﺎ " ﮐﻮﺉ ﻣﺨﺘﺼﺮ ﺳﺎ ﺟﻮﺍﺏ ﺩﮮ ﺩﯾﺘﺎ ﺗﮭﺎ . ﻭﮦ ﺁﺝ ﺑﮭﯽ ﺍﺗﻨﺎ ﮨﯽ ﮐﻢ ﮔﻮ ﺗﮭﺎ ﺟﺘﻨﺎ ﺩﻭ ﺭﻭﺯ ﭘﮩﻠﮯ ﺗﮭﺎ،ﻣﮕﺮ ﻭﮦ ﺑﺮﻑ ﮐﯽ ﺩﯾﻮﺍﺭ ﭘﮕﮭﻞ ﮔﺊ ﺗﮭﯽ .

ﻭﮦ ﭘﭽﮭﻠﯽ ﺳﯿﭧ ﭘﮧ ﺑﯿﭩﮭﯽ ﻻ ﺗﻌﻠﻖ ﺳﯽ ﺑﺎﮨﺮ ﺩﯾﮑﮫ ﺭﮨﯽ ﺗﮭﯽ . ﺍﺳﮯ ﮈﯼ ﺟﮯ ﮐﮯ ﺑﻐﯿﺮ ﯾﻮﮞ ﺍﻥ ﺧﻮﺷﯽ ﮐﯽ ﺗﻘﺎﺭﯾﺐ ﻣﯿﮟ ﺷﺮﮐﺖ ﮐﺮﻧﺎ ﺳﺨﺖ ﺑﺮﺍ ﻟﮓ ﺭﮨﺎ ﺗﮭﺎ . ﻭﮦ ﺍﻧﺪﺭ ﮨﯽ ﺍﻧﺪﺭ ﺍﺣﺴﺎﺱ ﺟﺮﻡ ﮐﺎ ﺷﮑﺎﺭ ﺗﮭﯽ . ﺍﺑﮭﯽ ﺍﺳﮯ ﺑﭽﮭﮍﮮ ﺩﻥ ﮨﯽ ﮐﺘﻨﮯ ﮨﻮﮰ ﺗﮭﮯ، ﻣﮕﺮ ﻣﺠﺒﻮﺭﯼ ﺗﮭﯽ . ﺟﺎﻧﺎ ﺗﻮ ﺗﮭﺎ . ﻭﮦ ﺁﺝ ﺑﮭﯽ ﺧﺎﺹ ﺗﯿﺎﺭ ﻧﮩﯿﮟ ﮨﻮﺉ ﺗﮭﯽ .

ﮐﺎﺟﻞ ﺍﻭﺭ ﻧﯿﭽﺮﻝ ﻟﭗ ﺍﺳﭩﮏ ﮐﮯ ﻋﻼﻭﮦ ﮐﻮﺉ ﻣﯿﮏ ﺍﭖ ﻧﮩﯿﮟ ﮐﯿﺎ،ﺑﺎﻝ ﯾﻮﮞ ﮨﯽ ﮐﮭﻠﮯ ﭼﮭﻮﮌ ﺩﯾﮯ . ﺟﯿﻮﻟﺮﯼ ﺑﮭﯽ ﻧﮩﯿﮟ ﭘﮩﻨﯽ . ﺿﺮﻭﺭﺕ ﺑﮭﯽ ﻧﮩﯿﮟ ﺗﮭﯽ ﮐﮧ ﺍﺱ ﮐﯽ ﻟﻤﺒﯽ،ﭨﺨﻨﻮﮞ ﺳﮯ ﺑﺎﻟﺸﺖ ﺑﮭﺮ ﺍﻭﻧﭽﯽ ﻗﻤﯿﺺ ﮐﮯ ﮔﻠﮯ ﭘﮧ ﮐﺎﻓﯽ ﮐﺎﻡ ﺗﮭﺎ . ﻭﮦ ﺷﯿﻔﻮﻥ ﮐﯽ ﻗﻤﯿﺺ ﺗﮭﯽ،ﺍﻭﺭ ﺍﺱ ﮐﺎ ﺭﻧﮓ ﺁﻟﻮ ﺑﺨﺎﺭﮮ ﮐﮯ ﭼﮭﻠﮑﮯ ﮐﺎ ﺳﺎ ﺗﮭﺎ . ﻗﻤﯿﺺ ﮐﺎ ﮔﻼ ﮔﺮﺩﻥ ﺗﮏ ﺑﻨﺪ ﺗﮭﺎ ﺍﻭﺭ ﮔﺮﺩﻥ ﺳﮯ ﻟﮯ ﮐﺮ ﺩﻭ ﺑﺎﻟﺸﺖ ﻧﯿﭽﮯ ﺗﮏ ﺳﯿﺎﮦ ﺍﻭﺭ ﺁﻟﻮ ﺑﺨﺎﺭﮮ ﮐﮯ ﺭﻧﮓ ﮐﮯ ﭼﮭﻮﭨﮯ ﺑﮍﮮ ﮨﺮ ﺳﺎﺋﺰ ﮐﮯ Diamonties ‏( ﻧﮓ ‏) ﻟﮕﮯ ﺗﮭﮯ . ﺍﻥ ﮐﯽ ﺟﮭﻠﻤﻼﮨﭧ ﺑﮩﺖ ﺧﻮﺑﺼﻮﺭﺕ ﺗﮭﯽ . ﻧﯿﭽﮯ ﮨﻢ ﺭﻧﮓ ﺳﻠﮏ ﮐﺎ ﭘﺎﺟﺎﻣﺎ ﺗﮭﺎ ﺍﻭﺭ ﺁﺳﺘﯿﻨﯿﮟ ﮐﻼﺉ ﺗﮏ ﺁﺗﯽ ﭼﻮﮌﯼ ﺩﺍﺭ ﺗﮭﯿﮟ . ﻟﯿﮑﻦ ﺁﺝ ﺑﮭﯽ ﺍﺳﮯ ﮐﻞ ﮐﯽ

ﻃﺮﺡ ﺍﭘﻨﮯ ﻟﺒﺎﺱ ﮐﯽ ﺧﻮﺑﺼﻮﺭﺗﯽ ﺳﮯ ﻗﻄﻌﺎ " ﺩﻟﭽﺴﭙﯽ ﻧﮧ ﺗﮭﯽ . ﻣﯿﺮﺝ ﮨﺎﻝ ﮐﮯ ﺑﺎﮨﺮ ﺑﺎﺭﺍﺕ ﺍﺑﮭﯽ ﺍﺑﮭﯽ ﺍﺗﺮﯼ ﺗﮭﯽ . ﺩﺍﺧﻠﯽ ﺩﺭﻭﺍﺯﮮ ﭘﮧ ﺧﺎﺻﺎ ﺭﺵ ﺗﮭﺎ . ﺳﺠﯽ ﺳﻨﻮﺭﯼ،ﺯﯾﻮﺭﺍﺕ ﻗﯿﻤﺘﯽ ﻣﻠﺒﻮﺳﺎﺕ ﺍﻭﺭ ﺧﻮﺷﺒﻮﺅﮞ ﻣﯿﮟ ﺭﭼﯽ ﺑﺴﯽ ﻟﮍﮐﯿﺎﮞ ﺍﻭﺭ ﺧﻮﺍﺗﯿﻦ ﮔﺎﮌﯾﻮﮞ ﺳﮯ ﻧﮑﻞ ﮐﺮ، ﺍﭘﻨﮯ ﺑﺎﻝ ﺍﻭﺭ ﻣﯿﮏ ﺍﭖ ﭨﮭﯿﮏ ﮐﺮﺗﯽ ﺩﺭﻭﺍﺯﮮ ﮐﯽ ﺟﺎﻧﺐ ﺑﮍﮪ ﺭﮨﯽ ﺗﮭﯿﮟ . ﺭﺿﺎ ﺍﻭﺭ ﺯﺍﮨﺪ ﭼﭽﺎ ﻭﮨﺎﮞ ﮐﮭﮍﮮ ﺧﻮﺵ ﺍﺧﻼﻗﯽ ﺳﮯ ﻣﺴﮑﺮﺍﺗﮯ ﻣﮩﻤﺎﻧﻮﮞ ﮐﻮ ﻭﯾﻠﮑﻢ ﮐﺮ ﺭﮨﮯ ﺗﮭﮯ . ﺍﺳﮯ ﭘﺘﺎ ﺗﮭﺎ ﮐﮧ ﻣﮩﻮﺵ ﮐﯽ ﮐﻞ ﻭﺍﻟﯽ ﺑﺎﺕ ﮐﻮ ﺁﺝ ﺑﮭﻼ ﮐﺮ ﺳﺐ ﺷﺎﺩﯼ ﻣﯿﮟ ﺷﺮﮐﺖ ﮐﺮﯾﮟ ﮔﮯ ﺍﻭﺭ ﻭﺍﻗﻌﯽ ﯾﮧ ﮨﻮ ﺭﮨﺎ ﺗﮭﺎ . ﮐﺎﺭ ﺭﮐﻨﮯ ﭘﺮ ﺍﺱ ﻧﮯ ﺩﺭﻭﺍﺯﮦ ﮐﮭﻮﻻ ﺍﻭﺭ ﺑﺎﺭﯾﮏ ﮨﯿﻞ ﺑﺎﮨﺮ ﭘﺘﮭﺮﯾﻠﯽ ﺯﻣﯿﻦ ﭘﺮ ﺭﮐﮭﯽ .

ﺑﮯ ﺍﺧﺘﯿﺎﺭ ﺍﺳﮯ ﭨﻮﭨﯽ ﮨﻮﺉ ﺳﺮﺥ ﮨﯿﻞ ﯾﺎﺩ ﺁﺉ . ﺳﺮ ﺟﮭﭩﮏ ﮐﺮ ﻭﮦ ﺑﺎﮨﺮ ﻧﮑﻠﯽ ﺍﻭﺭ ﭘﺮﺱ ﺳﻨﺒﮭﺎﻟﺘﮯ ﮨﻮﮰ ﺩﺭﻭﺍﺯﮦ ﺑﻨﺪ ﮐﯿﺎ . ﺍﺑﺎ،ﺟﮩﺎﻥ ﺍﻭﺭ ﺍﻣﺎﮞ ﺍﯾﮏ ﺳﺎﺗﮫ ﻣﯿﺮﺝ ﮨﺎﻝ ﮐﮯ ﺩﺍﺧﻠﯽ ﺩﺭﻭﺍﺯﮮ ﮐﯽ ﺟﺎﻧﺐ ﺑﮍﮪ ﺭﮨﮯ ﺗﮭﮯ . ﺍﻭﺭ ﻭﮦ ﺑﮭﯽ ﻭﮨﯽ ﭼﻠﯽ ﺟﺎﺗﯽ ﺍﮔﺮ ﺟﻮ ﺍﺱ ﮐﮯ ﭘﺎﺅﮞ ﭘﮧ ﻭﮦ ﭘﺘﮭﺮ ﺁﮐﺮ ﻧﮧ ﻟﮕﺘﺎ .

" ﺁﺅﭺ "! ﺍﺱ ﻧﮯ ﮐﺮﺍﮦ ﮐﺮ ﭘﯿﺮ ﮨﭩﺎﯾﺎ . ﻭﮦ ﺑﺠﺮﯼ ﮐﺎ ﭼﮭﻮﭨﺎ ﺳﺎ ﭨﮑﮍﮦ ﺗﮭﺎ . ﺍﺱ ﻧﮯ ﮔﺮﺩﻥ ﺍﭨﮭﺎ ﮐﺮ ﺍﺩﮬﺮ ﺍﺩﮬﺮ ﺩﯾﮑﮭﺎ . ﻭﮦ ﻣﺨﺎﻟﻒ ﺳﻤﺖ ﺳﮯ ﺁﯾﺎ ﺗﮭﺎ،ﺟﮩﺎﮞ ﭘﺎﺭﮐﻨﮓ ﻣﯿﮟ ﮔﺎﮌﯾﺎﮞ ﮐﮭﮍﯼ ﺗﮭﯿﮟ ﺍﻭﺭ ﮐﺴﯽ ﻧﮯ ﺑﮩﺖ ﺗﺎﮎ ﮐﺮ ﺍﺳﮯ ﻣﺎﺭﺍ ﺗﮭﺎ . ﺍﻥ ﮔﺰﺭﮮ ﺗﯿﻦ ﭼﺎﺭ ﻣﺎﮦ ﻣﯿﮟ ﺍﺳﮯ ﺍﺗﻨﺎ ﺍﻧﺪﺍﺫﮦ ﺗﻮ ﮨﻮ ﮔﯿﺎ ﺗﮭﺎ ﮐﮧ ﺍﺱ ﮐﮯ ﺳﺎﺗﮫ ﺍﺗﻔﺎﻗﺎﺕ ﻧﮩﯿﮟ ﮨﻮﺗﮯ ﺗﮭﮯ . ﺍﺱ ﻧﮯ ﻣﺘﻼﺷﯽ ﻧﮕﺎﮨﻮﮞ ﺳﮯ ﺍﺱ ﺳﻤﺖ ﺩﯾﮑﮭﺎ ﺍﻭﺭ ﭘﮭﺮ ﭨﮭﮩﺮ ﺳﯽ ﮔﺊ . ﭘﺎﺭﮐﻨﮓ ﮐﮯ ﭘﯿﭽﮭﮯ ﺳﮯ ﺍﯾﮏ ﮨﯿﻮﻻ ﺳﺎ ﻧﮑﻼ ﺍﻭﺭ ﺍﺱ ﮐﯽ ﺟﺎﻧﺐ ﺑﮍﮬﻨﮯ ﻟﮕﺎ . ﭼﻨﺪ ﻟﻤﺤﮯ ﺗﻮ ﻭﮦ ﺍﭘﻨﯽ ﺟﮕﮧ ﺳﮯ ﮨﻞ ﻧﮩﯿﮟ ﺳﮑﯽ . ﺭﺍﺕ ﮐﯽ ﺗﺎﺭﯾﮑﯽ ﻣﯿﮟ ﭘﺎﺭﮐﻨﮓ ﺍﯾﺮﯾﺎ ﮐﻮ ﺍﻭﻧﭽﮯ ﭘﻮﻟﺰ ﮐﯽ ﺯﺭﺩ ﺑﺘﯿﻮﮞ ﻧﮯ ﻣﺪﮬﻢ ﺳﯽ ﺭﻭﺷﻨﯽ ﺑﺨﺶ ﺭﮐﮭﯽ ﺗﮭﯽ . ﺍﺱ ﺭﻭﺷﻨﯽ ﻣﯿﮟ ﻭﮦ ﺻﺎﻑ ﺩﮐﮭﺎﺉ ﺩﮮ ﺭﮨﺎ ﺗﮭﺎ ﯾﺎ ﺩﮮ ﺭﮨﯽ ﺗﮭﯽ .

ﺑﮭﮍﮐﺘﺎ ﮨﻮﺍ ﻧﯿﻼ ﺯﺭﺗﺎﺭ ﮈﻭﭘﭩﺎ ﮨﻢ ﺭﻧﮓ ﺟﻮﮌﮮ ﮐﮯ ﺍﻭﭘﺮ ﭘﮩﻨﮯ،ﻭﮦ ﺩﻭﭘﭩﮯ ﮐﺎ ﭘﻠﻮ ﭼﮩﺮﮮ ﭘﮧ ﺫﺭﺍ ﺳﺎ ﮈﺍﻟﮯ،ﺍﺳﮯ ﺩﺍﻧﺘﻮﮞ ﺳﮯ ﯾﻮﮞ ﭘﮑﮍﮮ ﮨﻮﮰ ﺗﮭﺎ ﮐﮧ ﺩﻭﺭ ﺳﮯ ﺍﺱ ﭘﮧ ﮐﺴﯽ ﻋﻮﺭﺕ ﮐﺎ ﮔﻤﺎﻥ ﮨﻮﺗﺎ ﺗﮭﺎ . ﭼﮩﺮﮮ ﮐﻮ ﺳﻔﯿﺪ ﭘﯿﻨﭧ ﮐﯿﮯ،

ﮔﮩﺮﮮ ﺁﺉ ﻣﯿﮏ ﺍﭖ،ﺳﺮﺥ ﭼﻮﻧﭻ ﺳﯽ ﻟﭗ ﺍﺳﭩﮏ ﺍﻭﺭ ﺳﻨﮩﺮﮮ ﺑﺎﻟﻮﮞ ﮐﯽ ﻭﮒ ﻟﮕﺎﮰ،ﻭﮦ ﺍﺱ ﮐﯽ ﻃﺮﻑ ﭼﻠﺘﺎ ﺁﺭﮨﺎ ﺗﮭﺎ . ﻭﮦ ﺍﺳﮯ ﺍﯾﮏ ﻧﻈﺮ ﻣﯿﮟ ﮨﯽ ﭘﮩﭽﺎﻥ ﮔﺊ ﺗﮭﯽ .

" ﭘﻨﮑﯽ "!

ﺍﺱ ﻧﮯ ﮨﺮﺍﺳﺎ ﻧﮕﺎﮨﻮﮞ ﺳﮯ ﮔﺮﺩﻥ ﻣﻮﮌ ﮐﺮ ﺩﻭﺭ ﮨﺎﻝ ﮐﯽ ﻃﺮﻑ ﺩﯾﮑﮭﺎ . ﺍﺑﺎ ﮐﯽ ﺍﺱ ﮐﯽ ﺟﺎﻧﺐ ﭘﺸﺖ ﺗﮭﯽ . ﻭﮦ ﻭﺍﭘﺲ ﻣﮍﯼ ﺗﺐ ﺗﮏ ﻭﮦ ﻗﺮﯾﺐ ﺁﭼﮑﺎ ﺗﮭﺎ .

" ﮐﯿﺴﯽ ﮨﻮ ﺑﺎﺟﯽ؟ " ﻭﮦ ﻣﺴﮑﺮﺍﯾﮧ ﺗﮭﺎ . " ﺗﻢ ..... ﺗﻢ ﯾﮩﺎﮞ ﮐﯿﺎ ﮐﺮ ﺭﮨﮯ ﮨﻮ؟ " ﺍﺱ ﻧﮯ ﺳﺮﺍﺳﯿﻤﮕﯽ ﺳﮯ ﺍﺳﮯ ﺩﯾﮑﮭﺘﮯ ﺍﭘﻨﮯ ﭘﺮﺱ ﭘﺮ ﮔﺮﻓﺖ ﻣﻀﺒﻮﻁ ﮐﺮ ﻟﯽ،ﮔﻮﯾﺎ ﺫﺭﺍ ﺑﮭﯽ ﻭﮦ ﺁﮔﮯ ﺑﮍﮬﺎ ﺗﻮ ﻭﮦ ﺑﮭﺎﮒ ﺍﭨﮭﮯ ﮔﯽ .

" ﺁﭖ ﺳﮯ ﻣﻠﻨﮯ ﺁﺉ ﺗﮭﯽ ﺟﯽ ! ﭘﻨﮑﯽ ﮐﮩﺘﮯ ﮨﯿﮟ ﻣﺠﮭﮯ . ﯾﺎﺩ ﮨﮯ ﺟﯽ؟ " ﻭﮦ ﻣﺴﮑﺮﺍ ﮐﺮ ﺑﻮﻻ .

" ﺍﭼﮭﯽ ﻃﺮﺡ ﯾﺎﺩ ﮨﮯ ﺍﻭﺭ ﺑﮭﻮﻟﯽ ﺗﻮ ﺗﻤﮩﺎﺭﯼ ﻣﺎﮞ ﺍﻭﺭ ﺑﮩﻦ ﺑﮭﯽ ﻧﮩﯿﮟ ﮨﻮﻧﮕﯽ ! ﺍﺏ ﮨﭩﻮ ﻣﯿﺮﮮ ﺭﺍﺳﺘﮯ ﺳﮯ '.

" ﻏﺼﮧ ﮐﯿﻮﮞ ﮐﺮ ﺭﮨﯽ ﮨﻮ ﺟﯽ ! ﻣﯿﮟ ﺗﻮ ﺁﭖ ﮐﻮ ﮐﭽﮫ ﺑﺘﺎﻧﮯ ﺁﺉ ﺗﮭﯽ ".

" ﻣﺎﺉ ﻓﭧ ! ﻣﺴﻠﮧ ﮐﯿﺎ ﮨﮯ ﺁﭖ ﮐﻮ ﻣﯿﺠﺮ ﺍﺣﻤﺪ؟ " ﻭﮦ ﭘﯿﺮ ﭘﭩﺦ ﮐﺮ ﺑﻮﻟﯽ ".. ﺍﺗﻨﮯ ﺑﺎﻭﻗﺎﺭ ﻋﮩﺪﮮ ﭘﮧ ﻓﺎﺋﺰ ﮨﻮ ﮐﺮ ﮐﯿﺴﯽ ﺣﺮﮐﺘﯿﮟ ﮐﺮ ﺭﮨﮯ ﮨﯿﮟ ﺁﭖ؟ "

" ﻟﻮ ﺟﯽ .... ﻣﯿﮟ ﺗﻮ ﮈﻭﻟﯽ ﮐﺎ ﭘﯿﻐﺎﻡ ﺩﯾﻨﮯ ﺁﺉ ﺗﮭﯽ ﻣﮕﺮ ".....

" ﮐﯿﺴﺎ ﭘﯿﻐﺎﻡ؟ " ﻭﮦ ﺍﺳﯽ ﺭﮐﮭﺎﺉ ﺳﮯ ﺑﻮﻟﯽ .

" ﮈﻭﻟﯽ ﮐﯽ ﺣﺎﻟﺖ ﺍﻣﯿﺪ ﺑﺨﺶ ﻧﮩﯿﮟ ﮨﮯ،ﭘﺘﺎ ﻧﮩﯿﮟ ﮐﺘﻨﮯ ﺩﻥ ﺟﯽ ﭘﺎﮰ ".

" ﮐﯿﺎ ﮨﻮﺍ ﺍﺳﮯ؟ " ﻭﮦ ﺫﺭﺍ ﭼﻮﻧﮑﯽ .

" ﺍﺩﮬﺮ ﮨﺴﭙﺘﺎﻝ ﻣﯿﮟ ﮨﮯ،ﺧﻮﺩ ﭼﻞ ﮐﺮ ﺩﯾﮑﮫ ﻟﯿﺠﺌﮯ .

ﺁﺋﯿﮯ ! ﻣﯿﮟ ﺁﭖ ﮐﻮ ﻟﮯ ﺟﺎﺗﯽ ﮨﻮﮞ ".

" ﻧﮩﯿﮟ ﻧﮩﯿﮟ،ﻣﺠﮭﮯ ﮐﮩﯿﮟ ﻧﮩﯿﮟ ﺟﺎﻧﺎ ". ﻭﮦ ﺑﺪﮎ ﮐﺮ ﺩﻭ ﻗﺪﻡ ﭘﯿﭽﮭﮯ ﮨﭩﯽ .

" ﺍﯾﮏ ﺩﻓﻌﮧ ﺗﻮ ﺍﺱ ﺳﮯ ﻣﻞ ﻟﯿﮟ،ﺍﺱ ﻧﮯ ﮐﭽﮫ ﺑﺘﺎﻧﺎ ﮨﮯ ﺁﭖ ﮐﻮ ".

" ﻣﺠﮭﮯ ﮐﭽﮫ ﻧﮩﯿﮟ

ﺟﺎﻧﻨﺎ . ﺗﻢ ﻟﻮﮔﻮﮞ ﮐﯽ ﺳﺎﺭﯼ ﻣﻌﻠﻮﻣﺎﺕ ﻣﺠﮭﮯ ﺍﮮ ﺁﺭ ﭘﯽ ﮐﯽ ﻣﺎﮞ ﺳﮯ ﻣﻞ ﮔﺊ ﺗﮭﯿﮟ ". ﺗﻠﺨﯽ ﺳﮯ ﮐﮩﺘﮯ ﮨﻮﮰ ﺍﺱ ﻧﮯ ﭘﮭﺮ ﺳﮯ ﭘﻠﭧ ﮐﺮ ﺩﯾﮑﮭﺎ . ﺑﺎﺭﺍﺕ ﮐﮯ ﻣﮩﻤﺎﻥ ﺍﻧﺪﺭ ﮐﯽ ﺟﺎﻧﺐ ﺑﮍﮪ ﺭﮨﮯ ﺗﮭﮯ . ﮐﻮﺉ ﺍﺱ ﮐﯽ ﻃﺮﻑ ﻣﺘﻮﺟﮧ ﻧﮧ ﺗﮭﺎ .

" ﮨﻮ ﺳﮑﺘﺎ ﮨﮯ ﮐﭽﮫ ﺍﯾﺴﺎ ﮨﻮ،ﺟﻮ ﺍﺱ ﮐﯽ ﻣﺎﮞ ﮐﻮ ﺑﮭﯽ ﻧﮧ ﭘﺘﺎ ﮨﻮ ".

" ﮐﯿﺎ؟ " ﻭﮦ ﭼﻮﻧﮑﯽ،ﭘﮭﺮ ﺑﻐﻮﺭ ﭘﻨﮑﯽ ﮐﻮ ﺩﯾﮑﮭﺎ . ﺍﺱ ﮐﮯ ﺍﻭﻧﭽﮯ ﻗﺪ ﮐﮯ ﺳﻮﺍ ﮐﻮﺉ ﭼﯿﺰ ﺍﺱ ﺭﻭﺯ ﺟﻨﺎﺡ ﺳﭙﺮ ﮐﯽ ﺷﺎﭖ ﻣﯿﮟ ﻣﻠﻨﮯ ﻭﺍﻟﮯ ﺍﺱ ﺍﺳﻤﺎﺭﭦ،ﮔﻼﺳﺰ ﻭﺍﻟﮯ ﻧﻮﺟﻮﺍﻥ ﮐﺎ ﭘﺘﺎ ﻧﮩﯿﮟ ﺩﯾﺘﯽ ﺗﮭﯽ . ﭘﻨﮑﯽ ﮐﺎ ﺗﻮ ﭼﮩﺮﮦ ﺑﮭﯽ ﺟﻼ ﮨﻮﺍ ﻧﮩﯿﮟ ﻟﮕﺘﺎ ﺗﮭﺎ ﻣﮕﺮ ﻧﮩﯿﮟ ..... ﺍﺱ ﮐﺎ ﺗﻮ ﭼﮩﺮﮦ ﺳﻠﯿﭧ ﮐﯽ ﻃﺮﺡ ﭼﭙﭩﺎ ﺗﮭﺎ . ﺍﯾﺴﯽ ﺟﮭﻠﯽ ﺟﺲ ﻧﮯ ﺳﺐ ﻧﻘﺶ ﭼﮭﭙﺎ ﺩﯾﮯ ﮨﻮﮞ . ﺧﺪﺍﯾﺎ ! ﮐﯿﺴﮯ ﯾﮧ ﻟﻮﮒ ﺍﭘﻨﮯ ﭼﮩﺮﮮ ﺑﺪﻝ ﻟﯿﺘﮯ ﺗﮭﮯ . ﻣﮕﺮ ﺁﻧﮑﮭﯿﮟ .... ﻭﮦ ﭼﻮﻧﮑﯽ ﯾﮧ

ﺁﻧﮑﮭﯿﮟ ﻭﮨﯽ ﺗﮭﯿﮟ . ﻭﮨﯽ ﮔﻼﺳﺰ ﮐﮯ ﭘﯿﭽﮭﮯ ﺳﮯ ﺟﮭﻠﮑﺘﯽ ﺁﻧﮑﮭﯿﮟ . ﺍﺏ ﺁﺉ ﺷﯿﮉ ﮐﯽ ﭼﻤﮑﯿﻠﯽ ﺗﮩﮧ ﮐﮯ ﺑﺎﻭﺟﻮﺩ ﻭﮦ ﺍﻧﮩﯿﮟ ﭘﮩﭽﺎﻥ ﮔﺊ ﺗﮭﯽ .

" ﺍﺱ ﺑﺎﺕ ﮐﺎ ﺟﻮﺍﺏ ﺗﻮ ﺑﺲ ﮈﻭﻟﯽ ﮐﮯ ﭘﺎﺱ ﮨﮯ ﺟﯽ ﺍﻭﺭ ﺍﺱ ﻧﮯ ﻣﺠﮭﮯ ﯾﮩﯽ ﺁﭖ ﮐﻮ ﺑﺘﺎﻧﮯ ﮐﺎ ﮐﮩﺎ ﺗﮭﺎ . ﺳﮩﯿﻠﯽ ﮐﯽ ﺩﻭﺳﺘﯽ ﻧﺒﮭﺎ ﺭﮨﯽ ﮨﻮﮞ ﻣﯿﮟ ﺗﻮ ﺟﯽ ! ﻭﺭﻧﮧ ﻣﯿﺮﯼ ﺟﻮﺗﯽ ﮐﻮ ﺑﮭﯽ ﺷﻮﻕ ﻧﮩﯿﮟ ﮨﮯ ﺁﭖ ﺟﯿﺴﯽ ﺑﺪ ﺯﺑﺎﻥ ﺧﺎﺗﻮﻥ ﮐﮯ ﻣﻨﮧ ﻟﮕﻨﮯ ﮐﺎ ".

ﭼﮍﮐﺮ ﮐﮩﺘﮯ ﮨﻮﮰ ﺍﺱ ﻧﮯ ﺩﻭﭘﭩﮯ ﮐﮯ ﺍﻧﺪﺭ ﭼﮭﭙﮯ ﮨﺎﺗﮫ ﺑﺎﮨﺮ ﻧﮑﺎﻟﮯ . ﺍﺱ ﻣﯿﮟ ﺍﯾﮏ ﭼﮭﻮﭨﺎ ﺳﺎ ﻟﮑﮍﯼ ﮐﺎ ﮈﺑﺎ ﺗﮭﺎ .

" ﯾﮧ ﮈﻭﻟﯽ ﻧﮯ ﺑﮭﯿﺠﺎ ﮨﮯ . ﺍﺳﮯ ﺍﺳﯽ ﻃﺮﯾﻘﮯ ﺳﮯ ﮐﮭﻮﻟﯿﮯ ﮔﺎ ﺟﻮ ﺍﺱ ﭘﮧ ﻟﮑﮭﺎ ﮨﮯ، ﻣﮕﺮ ﺟﺐ ﺗﮏ ﺁﭖ ﺍﺳﮯ ﮐﮭﻮﻝ ﭘﺎﺋﯿﮟ ﮔﯽ،ﻭﮦ ﺷﺎﯾﺪ ﺍﺱ ﺩﻧﯿﺎ ﻣﯿﮟ ﻧﮧ ﺭﮨﮯ ".

ﺣﯿﺎ ﻧﮯ ﺍﺱ ﮐﮯ ﺑﮍﮬﮯ ﮨﻮﮰ ﮨﺎﺗﮭﻮﮞ ﻣﯿﮟ ﭘﮑﮍﮮ ﺍﺱ ﮈﺑﮯ ﮐﻮ ﺩﯾﮑﮭﺎ . ﺍﺱ ﮐﯽ ﮐﻼﺉ ﭘﮧ ﻭﮨﯽ ﮐﺎﻧﭩﮯ ﮐﺎ ﺳﺮﺥ ﺑﮭﻮﺭﺍ ﺳﺎ ﻧﺸﺎﻥ ﺗﮭﺎ .

" ﯾﮧ ﮐﯿﺎ ﮨﮯ؟ " ﺍﺱ ﻧﮯ ﺍﭼﻨﺒﮭﮯ ﺳﮯ ﺳﺮ ﺍﭨﮭﺎ ﮐﺮ ﭘﻨﮑﯽ ﮐﻮ ﺩﯾﮑﮭﺎ . ﻭﮦ ﮐﮩﺎﮞ ﮐﮭﮍﯼ ﮨﮯ،ﺍﺳﮯ ﻟﻤﺤﮯ ﺑﮭﺮ ﮐﻮ ﺑﮭﻮﻝ ﮔﯿﺎ ﺗﮭﺎ .

" ﯾﮧ ﺍﯾﮏ ﭘﮩﯿﻠﯽ ﺳﮯ ﮐﮭﻠﮯ ﮔﺎ،ﻣﮕﺮ ﯾﮧ ﭘﮩﯿﻠﯽ ﺻﺮﻑ ﺁﭖ ﮨﯽ ﺑﻮﺟﮫ ﺳﮑﺘﯽ ﮨﯿﮟ ﺍﻭﺭ ﺁﭖ ﺑﻮﺟﮫ ﮨﯽ ﻟﯿﮟ ﮔﯽ . ﯾﮧ ﺑﮩﺖ ﺁﺳﺎﻥ ﮨﮯ . ﻟﯿﮑﻦ ﺍﺱ ﮐﮯ ﺍﻧﺪﺭ ﻣﻮﺟﻮﺩ ﭼﯿﺰ ﻧﮑﺎﻟﻨﮯ ﮐﮯ ﻟﯿﮯ ﺍﺳﮯ ﺗﻮﮌﻧﮯ ﮐﯽ ﮐﻮﺷﺶ ﻣﺖ ﮐﯿﺠﯿﮯ ﮔﺎ . ﺍﺳﮯ ﺗﻮﮌ ﺩﯾﺎ ﺗﻮ ﻭﮦ ﭼﯿﺰ ﺁﭖ ﮐﮯ ﮐﺎﻡ ﮐﯽ ﻧﮩﯿﮟ ﺭﮨﮯ ﮔﯽ ". ﭘﻨﮑﯽ ﻧﮯ ﻣﺴﮑﺮﺍ ﮐﺮ ﮐﮩﺘﮯ ﮨﻮﮰ ﮈﺑﺎ ﺍﺱ ﮐﮯ ﻣﺰﯾﺪ ﺳﺎﻣﻨﮯ ﮐﯿﺎ .

ﺍﺱ ﻧﮯ ﻧﮧ ﭼﺎﮨﺘﮯ ﮨﻮﮰ ﺑﮭﯽ ﺍﺳﮯ ﺗﮭﺎﻡ ﻟﯿﺎ .

" ﺍﭼﮭﺎ ﺑﺎﺟﯽ ﺟﯽ ! ﺭﺏ ﺭﺍﮐﮭﺎ ". ﻭﮦ ﻭﮨﯽ ﺧﻮﺍﺟۂ ﺳﺮﺍﺅﮞ ﻭﺍﻻ ﻟﮩﺠﮧ ﺑﻨﺎ ﮐﺮ ﺳﻼﻡ ﺟﮭﺎﮌ ﮐﺮ ﺩﻭﭘﭩﺎ ﻣﻨﮧ ﭘﮧ ﮈﺍﻟﮯ ﭘﻠﭧ ﮔﯿﺎ .

ﺍﺱ ﻧﮯ ﺟﻠﺪﯼ ﺳﮯ ﮈﺑﺎ ﭘﺮﺱ ﻣﯿﮟ ﺭﮐﮭﺎ ﺍﻭﺭ ﭘﯿﺸﺎﻧﯽ ﭘﮧ ﻧﻤﻮﺩﺍﺭ ﮨﻮﮰ ﭘﺴﯿﻨﮯ ﮐﮯ ﻗﻄﺮﮮ ﭨﺸﻮ ﺳﮯ ﺗﮭﭙﺘﮭﭙﺎﺗﯽ،ﺧﻮﺩ ﮐﻮ ﮐﻤﭙﻮﺯ ﮐﺮﺗﯽ ﮨﺎﻝ ﮐﯽ ﺟﺎﻧﺐ ﺑﮍﮪ ﮔﺊ .

ﺑﺎﺭﺍﺕ ﮐﺎ ﻓﻨﮑﺸﻦ ﻭﯾﺴﺎ ﮨﯽ ﺗﮭﺎ ﺟﯿﺴﺎ ﮐﺴﯽ ﺑﮭﯽ ﺷﺎﻧﺪﺍﺭ ﺷﺎﺩﯼ ﮐﺎ ﮨﻮﻧﺎ ﭼﺎﮨﺌﯿﮯ . ﺑﻘﻌﮧ ﻧﻮﺭ ﺑﻨﺎ ﮨﺎﻝ،ﺑﮩﺘﺮﯾﻦ ﺳﺠﺎﻭﭦ،ﺩﻟﮩﻦ ﮐﺎ ﻗﯿﻤﺘﯽ ﮈﯾﺰﺍﺋﺰ ﺳﻮﭦ ﺍﻭﺭ ﺟﯿﻮﻟﺮﯼ،ﻣﮩﻮﺵ ﮐﯽ ﻧﻨﮭﯿﺎﻟﯽ ﮐﺰﻧﺰ ﮐﮯ ﮔﺮﻭﭖ ﮈﺍﻧﺴﺰ،ﺍﻭﺭ ﭘﺮ ﺗﮑﻠﻒ ﻃﻌﺎﻡ ﮐﯽ ﺍﺷﺘﮩﺎ ﺍﻧﮕﯿﺰ ﺧﻮﺷﺒﻮ ﺟﻮ ﺍﺑﮭﯽ ﮐﮭﻼ ﻧﮩﯿﮟ ﺗﮭﺎ . ﺁﺝ ﺑﮭﯽ ﻣﺮﺩ ﻭﺧﻮﺍﺗﯿﻦ ﺍﮐﮭﭩﮯ ﺗﮭﮯ ﻣﮕﺮ ﯾﻮﮞ ﮐﮧ ﺁﺩﮬﮯ ﮨﺎﻝ ﻣﯿﮟ ﻣﺮﺩ ﺍﻭﺭ ﺑﺎﻗﯽ ﺁﺩﮬﮯ ﮐﯽ ﻣﯿﺰﻭﮞ ﭘﮧ ﺧﻮﺍﺗﯿﻦ ﺑﺮﺍﺟﻤﺎﻥ ﺗﮭﯿﮟ ﺗﺎﮐﮧ ﺍﯾﮏ ﺣﺪ ﺗﮏ ﻋﻠﯿﺤﺪﮔﯽ ﺭﮨﮯ . ﺍﻥ ﮐﯽ ﻓﯿﻤﻠﯽ ﮐﯽ ﮐﺴﯽ ﺑﮭﯽ ﻟﮍﮐﯽ ﻧﮯ ﺭﻗﺺ ﻣﯿﮟ ﺣﺼﮧ ﻧﮩﯿﮟ ﻟﯿﺎ . ﻣﮕﺮ ﻣﮩﻮﺵ ﮐﯽ ﮐﺰﻧﺰ ﮨﺮ ﻃﺮﻑ ﭼﮭﺎﺉ ﺭﮨﯿﮟ . ﻭﮦ ﺁﺝ ﺑﮭﯽ ﺍﯾﮏ ﺍﻟﮓ ﺗﮭﻠﮓ ﮐﻮﻧﮯ ﻭﺍﻟﯽ ﻣﯿﺰ ﭘﮧ ﺑﯿﭩﮭﯽ ﺭﮨﯽ . ﺍﺱ ﮐﺎ ﺩﻝ ﺍﺳﭩﯿﺞ ﭘﮧ ﺟﺎ ﮐﺮ ﻣﻮﻭﯼ ﺑﻨﻮﺍﻧﮯ ﮐﻮ ﻗﻄﻌﺎ " ﻧﮭﯿﮟ ﭼﺎﮦ ﺭﮨﺎ ﺗﮭﺎ . ﺍﺱ ﺷﺮﯾﻔﻮﮞ ﮐﮯ ﻣﺠﺮﮮ ﻧﮯ ﺍﺳﮯ ﺍﯾﺴﺎ ﺍﺣﺴﺎﺱ ﻋﺪﻡ ﺗﺤﻔﻆ ﺑﺨﺸﺎ ﺗﮭﺎ ﮐﮧ ﻭﮦ ﮐﺴﯽ ﺑﮭﯽ ﺩﻭﺳﺮﮮ ﮐﮯ ﮐﯿﻤﺮﮮ ﯾﺎ ﻣﻮﺑﺎﺋﻞ ﻣﯿﮟ ﺗﺼﻮﯾﺮ ﮐﮭﻨﭽﻮﺍﻧﮯ ﺳﮯ ﺍﺣﺘﯿﺎﻁ ﺑﺮﺕ ﺭﮨﯽ ﺗﮭﯽ . ﯾﮧ ﻣﻮﻭﯾﺰ ﺍﻭﺭ ﺗﺼﺎﻭﯾﺮ ﮐﮩﺎﮞ ﮐﮩﺎﮞ ﻧﮩﯿﮟ ﮔﮭﻮﻣﺘﯽ ﮨﻮﮞﮕﯽ

ﺍﺱ ﻧﮯ ﺟﮭﺮ ﺟﮭﺮﯼ ﻟﮯ ﮐﺮ ﺳﺮ ﺟﮭﭩﮑﺎ . ﺍﺗﻨﮯ ﺑﮍﮮ ﮨﺎﻝ ﻣﯿﮟ ﮐﻮﺉ ﺑﮭﯽ ﺍﺱ ﮐﮯ ﺟﺎﻧﺐ ﻣﺘﻮﺟﮧ ﻧﮧ ﺗﮭﺎ . ﻭﮦ ﻭﯾﺴﮯ ﺑﮭﯽ ﺍﺱ ﻣﯿﺰ ﭘﮧ ﺍﮐﯿﻠﯽ ﺑﯿﭩﮭﯽ ﺗﮭﯽ . ﺍﺱ ﻧﮯ ﭼﻨﺪ ﻟﻤﺤﮯ ﮐﮯ ﻟﯿﮯ ﺳﻮﭼﺎ،ﭘﮭﺮ ﻣﯿﺰ ﭘﮧ ﺭﮐﮭﮯ ﭘﺮﺱ ﺳﮯ ﻭﮦ ﮈﺑﺎ ﻧﮑﺎﻻ ﺍﻭﺭ ﻓﺎﻧﻮﺱ ﮐﯽ ﭼﮑﺎ ﭼﻮﻧﺪ ﺭﻭﺷﻨﯽ ﻣﯿﮟ ﺍﻟﭧ ﭘﻠﭧ ﮐﺮ ﺩﯾﮑﮭﻨﮯ ﻟﮕﯽ .

ﻭﮦ ﺍﯾﮏ ﮨﺎﺗﮫ ﻣﯿﮟ ﺟﺘﻨﺎ ﻟﻤﺒﺎ ﺍﻭﺭ ﭘﺎﻧﭻ ﺍﻧﭻ ﻣﻮﭨﺎ ﻣﺴﺘﻄﯿﻞ ﮈﺑﺎ ﺗﮭﺎ . ﮈﺑﺎ ﻧﮧ ﺑﮩﺖ ﺑﮭﺎﺭﯼ ﺗﮭﺎ،ﻧﮧ ﺑﮩﺖ ﮨﻠﮑﺎ . ﻭﮦ ﮔﮩﺮﯼ ﺑﮭﻮﺭﯼ ﻟﮑﮍﯼ ﮐﺎ ﺑﻨﺎ ﺗﮭﺎ ﺍﻭﺭ ﺍﺱ ﮐﮯ ﮈﮬﮑﻦ ﮐﮯ ﻋﻠﯿﺤﺪﮦ ﮨﻮﻧﮯ ﮐﯽ ﺟﮕﮧ ﭘﺮ ﭼﮫ ﺧﺎﻧﮯ ﺑﻨﮯ ﺗﮭﮯ ﺟﻦ ﮐﮯ ﺍﻧﺪﺭ A ﻟﮑﮭﺎ ﻧﻈﺮ ﺁﺭﮨﺎ ﺗﮭﺎ . ﺍﺱ ﻧﮯ ﺍﯾﮏ A ﭘﮧ ﺍﻧﮕﻠﯽ ﺭﮐﮫ ﮐﺮ ﻧﯿﭽﮯ ﮐﻮ ﺭﮔﮍﺍ ﺗﻮ A ﻧﯿﭽﮯ ﭼﻼ ﮔﯿﺎ . ﺍﻭﺭ B ﺳﺎﻣﻨﯽ ﺁﮔﯿﺎ . ﻭﮦ ﺍﺳﮯ ﻧﯿﭽﮯ ﮐﺮﺗﯽ ﮔﺊ . ﺍﻥ ﭼﮫ ﺧﺎﻧﻮﮞ ﻣﯿﮟ ﭘﻮﺭﯼ ﺍﻧﮕﺮﯾﺰﯼ ﮐﮯ ﺣﺮﻭﻑ ﺗﮩﺠﯽ ﻟﮑﮭﮯ ﺗﮭﮯ . ﺟﯿﺴﮯ ﻋﻤﻮﻣﺎ " ﺑﺮﯾﻒ ﮐﯿﺴﺰ ﭘﮧ ﺗﯿﻦ ﺍﯾﺴﯽ ﺍﺳﭩﺮﭘﺲ ﻟﮕﯽ ﮨﻮﺗﯽ ﮨﯿﮟ ﺟﻮ ﺗﯿﻦ ﺯﯾﺮﻭ ﭘﮧ ﮐﮭﻞ ﺟﺎﺗﯽ ﮨﯿﮟ،ﻭﯾﺴﮯ ﮨﯽ ﺍﺱ ﺑﺎﮐﺲ ﮐﻮ ﮐﮭﻮ ﻟﻨﮯ ﮐﮯ ﻟﯿﮯ ﮐﻮﺉ ﭼﮫ ﺣﺮﻓﯽ ﻟﻔﻆ ﺳﺎﻣﻨﮯ ﻻﻧﺎ ﺗﮭﺎ .

ﭘﻨﮑﯽ ﻧﮯ ﮐﮩﺎ ﺗﮭﺎ ﮐﮧ ﺍﺳﮯ ﮐﮭﻮﻟﻨﮯ ﮐﺎ ﻃﺮﯾﻘﮧ ﺍﺱ ﮈﺑﮯ ﭘﮧ ﻟﮑﮭﺎ ﮨﻮﺍ ﮨﮯ . ﺍﺱ ﻧﮯ ﮈﺑﮯ ﮐﻮ ﺍﻟﭧ ﭘﻠﭧ ﮐﺮ ﺩﯾﮑﮭﺎ ﺍﻭﺭ .........

*******

ﻟﺤﻆ ﺑﮭﺮ ﮐﻮ ﭨﮭﭩﮑﯽ ۔

ﺍﺳﮯ ﮈﮬﮑﻦ ﮐﯽ ﺍﻭﭘﺮﯼ ﺳﻄﺢ ﭘﮧ ﮐﭽﮫ ﮐﮭﺪﺍ ﮨﻮﺍ ﻧﻈﺮ ﺁﯾﺎ ﺗﮭﺎ۔

ﻭﮦ ﭼﮩﺮﮦ ﮈﺑﮯ ﭘﮧ ﺟﮭﮑﺎﺋﮯ ﺍﻧﮑﮭﯿﮟ ﺳﯿﮑﮍ ﮐﺮ ﭘﮍﮬﻨﮯ ﻟﮕﯽ۔۔ﻭﮦ ﺑﮩﺖ ﺑﺎﺭﯾﮏ ﺍﻧﮕﺮﯾﺰﯼ ﻣﯿﮟ ﻟﮑﮭﺎ ﺍﯾﮏ ﻓﻘﺮﮦ ﺗﮭﺎ۔

؛؛ into the same river no man can enter ;;;;;;twice

ﺍﯾﮏ ﮨﯽ ﺩﺭﯾﺎ ﻣﯿﮟ ﮐﻮﺋﯽ ﺷﺨﺺ ﺩﻭ ﺩﻓﻌﮧ ﻧﮩﯿﮟ ﺍﺗﺮ ﺳﮑﺘﺎ۔

ﺍﺱ ﻧﮯ ﺍﻟﺠﮭﻦ ﺑﮭﺮﮮ ﺍﻧﺪﺍﺯ ﻣﯿﮟ ﻭﮦ ﻓﻘﺮﮦ ﺩﮨﺮﺍﯾﺎ۔

ﮐﯿﺎ ﯾﮩﯽ ﻭﮦ ﭘﮩﯿﻠﯽ ﺗﮭﯽ ﺟﺴﮑﺎ ﺯﮐﺮ ﭘﻨﮑﯽ ﻧﮯ ﮐﯿﺎ ﺗﮭﺎ۔

؟؟؟؟؟؟؟؟

ﻣﮕﺮ ﯾﮧ ﭘﮩﯿﻠﯽ ﺗﻮ ﻧﮩﯿﮟ ﻟﮕﺘﯽ ﺗﮭﯽ۔

ﮐﯿﻮﻧﮑﮧ ﺍﺱ ﻣﯿﮟ ﮐﻮﺋﯽ ﺳﻮﺍﻝ ﻧﮩﯿﮟ ﺗﮭﺎ۔

ﺍﺳﻼﻡ ﻭ ﻋﻠﯿﮑﻢ ﺣﯿﺎ۔ !!!

ﺁﻭﺍﺯ ﭘﺮ ﺍﺱ ﻧﮯ ﮐﺮﻧﭧ ﮐﮭﺎ ﮐﺮ ﮔﺮﺩﻥ ﺍﭨﮭﺎﺋﯽ ﺍﻭﺭ ﺳﺎﺗﮫ ﮨﯽ ﮔﻮﺩ ﻣﯿﮟ ﺭﮐﮭﮯ ﮈﺑﮯ ﭘﮧ ﺩﻭﭘﭩﺎ ﮈﺍﻻ۔

ﺳﺎﻣﻨﮯ ﺷﮩﻼ ﮐﮭﮍﯼ ﺗﮭﯽ ۔ﺳﯿﺎﮦ ﻋﺒﺎﯾﺎ ﮐﮯ ﮐﮯ ﺍﻭﭘﺮ ﮔﮩﺮﮮ ﺳﺒﺰﺍﺳﮑﺎﺭﻑ ﮐﺎ ﻧﻘﺎﺏ ﺍﻧﮕﻠﯿﻮﮞ ﺳﮯ ﺗﮭﺎﻣﮯ ﺍﭘﻨﯽ ﺍﺯﻟﯽ ﻧﺮﻡ ﺍﻧﺪﺍﺯ ﻣﯿﮟ ﻣﺴﮑﺮﺍ ﺗﮯ ﮨﻮﺋﮯ ۔

ﻭ ﻋﻠﯿﮑﻢ ﺳﻼﻡ ﺷﮩﻼ ﺑﮭﺎﺑﮭﯽ ۔

ﮐﯿﺴﯽ ﮨﯿﮟ ﺁﭖ؟؟؟؟؟؟؟

ﺁﺋﯿﻦ ﺑﯿﭩﮭﮯ ۔۔۔۔ﻭﮦ ﺯﺭﺍ ﺳﻨﺒﮭﻞ ﮐﺮ ﺍﭨﮭﯽ ﺍﻭﺭ ﺟﻠﺪﯼ ﺳﮯ ﮈﺑﺎ ﭘﺮﺱ ﻣﯿﮟ ﮈﺍﻝ ﮐﺮ ﺍﻥ ﺳﮯ ﮔﻠﮯ ﻣﻠﯽ۔

ﻣﯿﮟ ﭨﮭﯿﮏ ﮨﻮﮞ ۔

ﺗﻢ ﺳﻨﺎﺅ۔

ﻣﺠﮭﮯ ﻋﻠﻢ ﻧﮩﯿﮟ ﺗﮭﺎ ﮐﮧ ﺗﻢ ﺁﺋﯽ ﮨﻮ ۔

ﻭﮦ ﺭﺳﺎﻥ ﺳﮯ ﮐﮩﺘﯽ ﮨﻮﺋﯽ ﮐﺮﺳﯽ ﭘﮧ ﺑﯿﭩﮫ ﮔﺌﯽ ۔

ﭘﮭﺮ ﺍﺑﮭﯽ ﻓﺎﻃﻤﮧ ﭘﮭﻮﭘﮭﯽ ﻧﮯ ﺗﻤﮩﺎﺭﯼ ﻓﺮﯾﻨﮉ ﮐﺎ ﺑﺘﺎﯾﺎ ۔

ﺭﺋﯿﻠﯽ ﺳﻮﺭﯼ ﻓﺎ ﺭ ﮨﺮ۔

ﮈﯼ ﺟﮯ

ﮐﮯ ﺯﮐﺮ ﭘﺮ ﺍﺱ ﮐﮯ ﺳﯿﻨﮯ ﻣﯿﮟ ﺍﯾﮏ ﮨﻮﮎ ﺳﯽ ﺍﭨﮭﯽ۔۔ﻭﮦ ﭘﮭﺮ ﺳﮯ ﺍﻓﺴﺮﺩﻩ ﮨﻮ ﮔﺌﯽ ۔

ﭘﺘﮧ ﻧﮩﯿﮟ ﺷﮩﻼ ﺑﮭﺎﺑﮭﯽ !

ﺍﻟﻠﮧ ﺗﻌﺎﻟﯽٰ ﮐﯽ ﮐﯿﺎ ﻣﺮﺿﯽ ﺗﮭﯽ۔۔ﻣﯿﺮﯼ ﺍﯾﮏ ﺩﻭﺳﺖ ﺗﮭﯽ ﺗﺮﮎ ﺍﻭﺭ ﻭﮦ ﻣﯿﺮﯼ ﺳﺐ ﺩﻭﺳﺘﻮﮞ ﺳﮯ ﺑﮍﮪ ﮐﺮ ﮨﻮ ﮔﺌﯽ ﺗﮭﯽ ۔

ﺑﮩﺖ ﺩﻋﺎ ﮐﯽ ﻣﯿﮟ ﻧﮯ ﺍﺱ ﮐﮯ ﻟﯿﮯ ﻣﮕﺮ ﮐﻮﺋﯽ ﺩﻋﺎ ﻗﺒﻮﻝ ﻧﮩﯿﮟ ﮨﻮﺋﯽ ۔

ﻧﮧ ﭼﺎﮨﺘﮯ ﮨﻮﺋﮯ ﺑﮭﯽ ﺷﮑﻮﮦ ﻟﺒﻮﮞ ﭘﮧ ﺁﺁ ﮔﯿﺎ۔

ﺍﻟﻠﮧ ﺗﻤﮩﯿﮟ ﺻﺒﺮ ﺩﮮ ﮔﺎ۔

ﮨﻢ ﺳﺐ ﺗﻤﮩﺎﺭﮮ ﺳﺎﺗﮫ ﮨﯿﮟ ۔

ﺷﮩﻼ ﻧﮯ ﺍﺱ ﮐﺎ ﮨﺎﺗﮫ ﻧﺮﻣﯽ ﺳﮯ ﺩﺑﺎﯾﺎ۔

ﺳﺒﯿﻦ ﺁﻧﭩﯽ ﮐﺎ ﺑﯿﭩﺎ ﺑﮭﯽ ﺁﯾﺎ ﮨﮯ؟؟؟؟؟

ﺟﯽ ﻭﮦ ﺍﺩﮬﺮ ﮨﮯ۔

ﺍﺱ ﻧﮯ ﻧﮕﺎﮨﻮﮞ ﮐﺎ ﺯﺍﻭﯾﮧ ﻣﻮﮌﺍ ﺗﻮ ﺷﮩﻼ ﻧﮯ ﺗﻌﺎﻗﺐ ﻣﯿﮟ ﺩﯾﮑﮭﺎ۔

ﺍﺳﭩﯿﺞ ﮐﮯ ﻗﺮﯾﺐ ﻭﮦ ﺳﻠﯿﻤﺎﻥ ﺻﺎﺣﺐ ﮐﮯ ﺳﺎﺗﮫ ﮐﮭﮍﺍ ﺗﮭﺎ۔

ﺳﯿﺎﮦ ﮈﻧﺮ ﺳﻮﭦ ﻣﯿﮟ ﻣﻠﺒﻮﺱ ﺍﺱ ﮐﯽ ﻣﻘﻨﺎﻃﯿﺴﯽ ﺷﺨﺼﯿﺖ ﺑﮩﺖ ﺷﺎﻧﺪﺍﺭ ﻟﮓ ﺭﮨﯽ ﺗﮭﯽ ۔

ﺳﻠﯿﻤﺎﻥ ﺻﺎﺣﺐ ﺍﺱ ﮐﮯ ﺷﺎﻧﮯ ﭘﺮ ﮨﺎﺗﮫ ﺭﮐﮭﮯ ﮐﺴﯽ ﺳﮯ ﺗﻌﺎﺭﻑ ﮐﺮﻭﺍ ﺭﮨﮯ ﺗﮭﮯ ۔ﺍﻭﺭ ﻭﮦ ﺩﮬﯿﻤﮯ ﺍﻧﺪﺍﺯ ﺳﮯ ﻣﺴﮑﺮﺍ ﺭﮨﺎ ﺗﮭﺎ ۔

ﺁﺝ ﻭﮦ ﺍﺱ ﮐﮯ ﺳﺎﺗﮫ ﺍﺗﻨﮯ ﻣﻄﻤﺌﻦ ﺍﻭﺭ ﻣﺴﺮﻭﺭ ﻟﮓ ﺭﮨﮯ ﺗﮭﮯ ﮔﻮﯾﺎ ﺭﻭﺣﯿﻞ ﻭﺍﭘﺲ ﺁﺁ ﮔﯿﺎ ﮨﻮ۔۔

ﺑﮩﺖ ﺍﭼﮭﺎ ﮨﮯ۔

ﻣﺎﺷﺎﺀ ﺍﻟﻠﮧ

۔۔۔

ﺗﮭﯿﻨﮑﺲ

ﺷﮩﻼ ﺑﮭﺎﺑﯽ ﺍﯾﮏ ﺑﺎﺕ ﮐﮩﻮﮞ ۔

ﺁﭖ ﮐﯽ ﺳﺎﺱ ﻧﮯ ﺍﭘﮑﯽ ﺍﺗﻨﯽ ﺧﻮﺑﺼﻮﺭﺕ ﺑﺮﯼ ﺑﻨﺎﺋﯽ ﺗﮭﯽ ﺍﻭﺭ ﺁﺝ ﺑﮭﯽ ﺁﭖ ﻧﮯ ﺍﻧﮩﯿﮟ ﻣﯿﮟ ﺳﮯ ﮐﻮﺋﯽ ﺳﻮﭦ ﭘﮩﻨﺎ ﮨﻮﮔﺎ۔

ﺍﺳﻄﺮﻑ ﺗﻮ ﻋﻮﺭﺗﯿﮟ ﮨﯽ ﮨﯿﮟ ۔

ﺁﭖ ﮐﺎ ﻋﺒﺎﯾﺎ۔

ﻣﯿﺮﺍ ﻣﻄﻠﺐ ﮨﮯ ۔

ﺁﭖ ﮐﮯ ﮐﭙﮍﮮ ﺗﻮ ﻧﻈﺮ ﻧﮩﯿﮟ ﺁﺭﮨﮯ ۔

ﻭﮦ ﺭﮎ ﺭﮎ ﮐﺮ ﮨﭽﮑﭽﺎ ﺗﮯ ﮨﻮﺋﮯ ﺑﻮﻟﯽ ﺗﮭﯽ ۔ﺩﻭﺍﺭ ﺑﮭﺎﺋﯽ ﮐﯽ ﻣﮩﻨﺪﯼ ﭘﮧ ﺍﺱ ﻧﮯ ﺑﮩﺖ ﮐﮭﻨﮑﺪﺍﺭﺍ ﻟﮩﺠﮯ ﻣﯿﮟ ﺷﮩﻼ ﮐﻮ ﻧﻘﺎﺏ ﺍﺗﺮﺍﻧﮯ ﮐﮯ ﻟﯿﮯ ﮐﮩﺎ ﺗﮭﺎ ۔

ﮐﯿﺎ ﻓﺮﻕ ﭘﮍﺗﺎ ﮨﮯ ﺣﯿﺎ۔

ﺍﺗﻨﮯ ﻣﺮﺩﻭﮞ ﮐﻮ ﺍﭘﻨﮯ ﮐﭙﮍﮮ ﺩﮐﮭﺎ ﮐﺮ ﻣﺠﮭﮯ ﮐﯿﺎ ﻣﻞ ﺟﺎﺋﮯ ﮔﺎ۔

ﺗﻮ ﻧﻘﺎﺏ ﮨﯽ ﺍﺗﺎﺭ ﺩﯾﮟ ۔

ﺍﺱ ﮐﺎ ﻟﮩﺠﮧ ﮐﻤﺰﻭﺭ ﭘﮍ ﮔﯿﺎ ﺗﮭﺎ

ﺍﺱ ﻣﮯ ﻧﻘﺎﺏ ﮈﮬﯿﻼ ﺑﮭﯽ ﻧﮩﯿﮟ ﮐﯿﺎ ۔

ﺣﯿﺎ ﻧﮯ ﭘﮭﺮ ﻧﮩﯿﮟ ﮐﮩﺎ۔ﺍﺱ ﺳﮯ ﮐﮩﺎ ﮨﯽ ﻧﮩﯿﮟ ﮔﯿﺎ ۔

ﻣﮕﺮ ﻭﮦ ﺁﺝ ﻭﮦ ﺍﺗﻨﯽ ﭘﺜﺮﻣﺮﺩﮔﯽ ﺍﻭﺭ ﺗﮭﮑﺎﻥ ﺳﮯ ﮐﯿﻮﮞ ﻣﺴﮑﺮﺍﺋﯽ ﺗﮭﯽ .

ﯾﻮﮞ ﺟﯿﺴﮯ ﺍﺱ ﮐﺎ ﺩﻝ ﺍﻧﺪﺭ ﺗﮏ ﺯﺧﻤﯽ ﮨﻮ

ﻭﮦ ﺩﮐﮫ ﻭﮦ ﺗﮭﮑﻦ ﻭﮦ ﺯﺧﻤﯽ ﻧﮕﺎﮨﯿﮟ ۔

ﺍﺳﮯ ﮐﺴﯽ ﻧﮯ ﭘﮑﺎﺭ ﻟﯿﺎ ﺍﻭﺭ ﻭﮦ ﺍﭨﮫ ﮐﺮ ﭼﻠﯽ ﮔﺌﯽ ۔

ﻣﮕﺮ ﺣﯿﺎ ﮐﯽ ﺁﻧﮑﮭﯿﻦ ﮐﺎﻓﯽ ﺩﻭﺭ ﺗﮏ ﺍﺱ ﮐﺎ ﺗﻌﻘﺎﺏ ﮐﺮﺗﯽ ﺭﮨﯽ۔

ﭘﭽﮭﻠﯽ ﺩﻓﻌﮧ ﺍﺳﮯ ﺷﮩﻼ ﮐﻮ ﻋﺒﺎﯾﺎ ﻣﯿﮟ ﺩﯾﮑﮫ ﮐﺮ ﻋﺠﯿﺐ ﮐﻮﻓﺖ ﺑﮭﺮﺍ ﺍﺣﺴﺎﺱ ﮨﻮ ﺍ ﺗﮭﺎ ﻣﮕﺮ ﺁﺝ ﺍﯾﺴﺎ ﻧﮩﯿﮟ ﮨﻮﺍ ﺗﮭﺎ۔

ﻭﮦ ﺍﺳﮑﯽ ﺍﻥ ﺩﮐﮫ ﺑﮭﺮﯼ ﺁﻧﮑﮭﻮﮞ ﻣﯿﮟ ﺍﭨﮏ ﮐﺮ ﺭﮦ ﮔﺌﯽ ﺗﮭﯽ ۔

ﺷﮩﻼ ﮐﻮ ﮐﯿﺎ ﻏﻢ ﺗﮭﺎ۔

ﺍﺗﻨﯽ ﺍﭼﮭﯽ ﻓﯿﻤﻠﯽ ﻣﯿﮟ ﺷﺎﺩﯼ ﮨﻮﺋﯽ ﮨﮯ ۔

ﺍﺗﻨﺎ ﮨﯿﻨﮉ ﺳﻢ ﺷﻮﮨﺮ ﮨﮯ۔

ﺍﻣﯿﺮ ﮐﺒﯿﺮ ﻣﺎﻥ ﺑﺎﭖ ﮐﺎ ﺍﮐﻠﻮﺗﺎ ﺑﯿﭩﺎ۔

ﭘﮭﺮ۔۔۔۔

ﭘﮭﺮ۔۔۔۔

ﺍﺳﮯ ﮐﯿﺎ ﺩﮐﮫ ﺗﮭﺎ۔

ﺁﺩﮬﯽ ﺭﺍﺕ ﺍﭘﻨﮯ ﮐﻤﺮﮮ ﻣﯿﮟ ﺑﯿﭩﮭﮯ ﻭﮦ ﭘﮭﺮ ﺳﮯ ﺍﺱ ﮈﺑﮯ ﮐﮯ ﺑﺎﺭﮮ ﻣﯿﮟ ﺳﻮﭼﻨﮯ ﻟﮕﯽ۔

ﺟﮩﺎﮞ ﮈﻭﻟﯽ،،

ﭘﻨﮑﯽ،،،

ﭘﺎﺷﺎ،،،

ﺍﺣﻤﺪ ۔

ﻣﮕﺮ ﺍﻧﮕﺮﯾﺰﯼ ﻣﯿﮟ ﯾﮧ ﺳﺎﺭﮮ ﺣﺮﻭﻑ ﻧﺎﻡ ﭘﺎﻧﭻ ﺗﮭﮯ۔

ﭼﮭﭩﺎ ﺣﺮﻑ ﻧﮩﯿﮟ ﻣﻼ ﺗﮭﺎ۔

ﻭﮦ ﺑﺎﺭ ﺑﺎﺭ ﺍﺳﯽ ﺍﺱ ﺳﻄﺮ ﮐﻮ ﮔﺌﯽ ﻣﮕﺮ ﮐﻮﺀﯼ ﺣﻞ ﻧﻈﺮ ﻧﮩﯿﮟ ﺁﺁ ﺭﮨﺎ ﺗﮭﺎ۔

ﻣﮕﺮ ﻭﮦ ﮐﻮﻧﺴﺎ ﺷﺨﺺ ﺗﮭﺎ ۔ﺟﺲ ﮐﮯ ﭘﺎﺱ ﺍﯾﺴﮯ ﮨﺮ ﻣﺤﻨﺖ ﻃﻠﺐ ﻣﺴﺌﻠﮯ ﮐﺎ ﺣﻞ ﮨﻮﺗﺎ ﺗﮭﺎ۔

ﻭﮦ ﮈﺑﮧ ﻟﯿﮯ ﺑﮭﺎﮒ ﮐﺮ ﺑﺎﮨﺮ ﺁﺋﯽ۔

ﺟﮩﺎﻥ ﮐﭽﻦ ﻣﯿﮟ ﮐﮭﮍﺍ ﭘﺎﻧﯽ ﮔﻼﺱ ﻣﯿﮟ ﺍﻧﮉﯾﻞ ﺭﮨﺎ ﺗﮭﺎ ۔

ﺍﻭ ﺍﺱ ﮐﮯ ﺳﺎﻣﻨﮯ ﺁﺀﯼ ﺍﻭﺭ ﺑﺎﮐﺲ ﺍﺱ ﮐﮯ ﺳﺎﺗﮫ ﺭﮐﮭﺎ ۔ﯾﮧ ﻣﺠﮭﮯ ﮐﺴﯽ ﻧﮯ ﺩﯾﺎ ﮨﮯ ﻟﯿﮑﻦ ﻣﺠﮭﮯ ﺍﺱ ﮐﺎ ﭘﺎﺱ ﻭﺭﮈ ﯾﺎﺩ ﻧﮩﯿﮟ ﻟﯿﮑﻦ ﺍﺳﮯ ﺁﭖ ﮐﮭﻮﻝ ﺩﯾﮟ۔

ﻭﮦ ﺁﻭﺍﺯ ﭘﺮ

ﭼﻮﻧﮑﺎ۔

ﭘﮭﺮ ﺑﻮﺗﻞ ﺭﮐﮫ ﮐﺮ ﮈﺑﮧ ﺍﭨﮭﺎ ﻟﯿﺎ۔۔

ﯾﮧ ﮨﮯ ﮐﯿﺎ؟؟؟؟ .. ؟ .

ﻭﮦ ﺍﻟﭧ ﭘﻠﭧ ﮐﺮ ﺩﯾﮑﮭﻨﮯ ﻟﮕﺎ۔

ﺟﻮ ﺑﮭﯽ ﮨﮯ ﺗﻢ ﺑﺲ ﺍﺳﮯ ﮐﺴﯽ ﻃﺮﺡ ﮐﮭﻮﻝ ﺩﻭ۔

ﮨﺎﮞ ﮐﮭﻞ ﺟﺎﺋﮯ ﮔﺎ ﻧﻮ ﭘﺮﺍ ﺑﻠﻢ۔

ﻣﺠﮭﮯ ﺍﯾﮏ ﮨﺘﮭﻮﮌﺍ ﺩﻭ ﻭﮦ ﮈﺑﮧ ﮐﻮ ﺍﻟﭧ ﭘﻠﭧ ﮐﺮ ﮐﭽﮫ ﻣﺤﺴﻮﺱ ﮐﺮﻧﮯ ﻟﮕﺎ۔ ﺍﻓﻔﻔﻔﻒ ﺗﻢ ﺭﮨﻨﮯ ﺩﻭ ۔۔۔۔

ﺍﺳﮯ ﺗﻮﮌﻧﺎ ﻧﮩﯿﮟ ﮨﮯ ﺑﺴﺴﺲ ﺗﻢ ﺭﮨﻨﮯ ﺩﻭ۔،

ﺍﺱ ﻧﮯ ﮈﺑﮯ ﮐﻮ ﻭﺍﭘﺲ ﺍﺱ ﮐﮯ ﮨﺎﺗﮫ ﺳﮯ ﻭﺍﭘﺲ ﻟﮯ ﻟﯿﺎ۔

ﮐﯿﺎ ﮨﻮﺍ ﻣﯿﮟ ﮐﮭﻮﻝ ﺗﻮ ﺭﮨﺎ ﮨﻮﮞ ۔۔۔۔،،،،،

ﺍﯾﮏ ﻣﻨﭧ ﻣﺠﮭﮯ ﺩﯾﮑﮭﻨﮯ ﺗﻮ ﺩﻭ۔۔۔

ﻣﯿﮟ ﺧﻮﺩ ﮐﺮ ﻟﻮﮞ ﮔﯽ ﺗﻢ ﺭﮨﻨﮯ ﺩﻭ ۔

ﺗﻢ ﻣﯿﺮﮮ ﻟﯿﮯ ﮐﭽﮫ ﻧﮩﯿﮟ ﮐﺮﺗﮯ ۔۔

ﭘﺘﮧ ﻧﮩﯿﮟ ﻭﮦ ﮐﺲ ﺑﺎﺕ ﭘﺮ ﺍﺱ ﺳﮯ ﺧﻔﺎ ﺗﮭﯽ ۔

ﭘﮭﺮ ﺳﻮﭺ ﻟﻮ ۔

ﻣﯿﮟ ﺗﻮ ﺍﺑﮭﯽ ﻣﺎﻣﻮﮞ ﮐﮯ ﭘﺎﺱ ﺟﺎﺭﮨﺎ ﺗﮭﺎ۔

ﺍﻧﮩﯿﮟ ﺗﻤﮩﯿﮟ ﺩﻭﺑﺎﺭﮦ ﺍﺳﺘﻨﺒﻮﻝ ﺑﮭﺠﻨﮯ ﮐﮯ ﻟﺌﮯ ﺭﺍﺿﯽ ﮐﺮﻧﮯ ﺟﺎﺭﮨﺎ ﺗﮭﺎ ﻣﮕﺮ ﭨﮭﯿﮏ ﮨﮯ ﻣﯿﮟ ﺗﻤﮩﺎﺭﮮ ﻟﯿﮯ ﮐﭽﮫ ﻧﮩﯿﮟ ﮐﺮﺗﺎ ۔۔۔۔

ﻭﮦ ﺷﺎﻧﮯ ﺍﭼﮑﺎﺋﮯ ﭘﺎﻧﯽ ﭘﯿﻨﮯ ﻟﮕﺎ۔

ﺳﭻ۔؟؟؟؟

ﻭﮦ ﺷﺸﺪ، ﺭﮦ ﮔﺌﯽ ۔۔۔۔۔

ﺗﻢ ﺍﻧﮩﯿﮟ ﻣﻨﺎ ﺳﮑﺘﮯ ﮨﻮ؟؟؟؟؟

ﻣﯿﮟ ﺍﯾﮏ ﺍﭼﮭﺎ ﺷﯿﻒ،،، ﻣﮑﯿﻨﮏ ﮨﻮﻧﮯ ﮐﮯ ﺳﺎﺗﮫ ﺳﺎﺗﮫ ﺍﯾﮏ ﺍﭼﮭﺎ ﻭﮐﯿﻞ ﺑﮭﯽ ﮨﻮﮞ ﭨﺮﺳﭧ ﻣﯽ ۔

ﻭﮦ ﮔﻼﺱ ﺭﮐﮫ ﮐﺮ ﺯﺭﺍ ﻣﺴﮑﺮﺍﯾﺎ۔۔۔۔

ﺍﺑﺎ ﺍﯾﮏ ﺩﻓﻌﮧ ﺍﮌ ﺟﺎﺋﮯ ﺗﻮ ﺗﻮ ﮐﺒﮭﯽ ﻓﯿﺼﻠﮧ ﻧﮩﯿﮟ ﺑﺪﻟﺘﮯ ۔

ﺗﻢ ﺍﻥ ﮐﻮ ﮐﯿﺴﮯ ﻣﻨﺎﺅ ﮔﮯ؟؟؟

ﻭﯾﺴﮯ ﺗﻮ ﺗﻤﮩﺎﺭﺍ ﺍﺳﺘﻨﺒﻮﻝ ﺟﺎﻧﺎ ﻣﯿﺮﮮ ﻣﻔﺎﺩ ﻣﯿﮟ ﻗﻄﻌﺎً ﻧﮩﯿﮟ ﮨﮯ ۔۔۔۔

ﮨﺎﮞ ﺍﺳﺘﻨﺒﻮﻝ ﺗﻮ ﺑﮩﺖ ﺍﭼﮭﺎ ﺷﮩﺮ ﮨﮯ۔

ﭘﺎﮐﺴﺘﺎﻥ ﻣﯿﮟ ﺗﻮ ﺭﻭﺯ ﺑﻢ ﺩﮬﻤﺎﮐﮯ ﮨﻮﺗﮯ ﺭﮨﺘﮯ ﮨﯿﮟ ۔

ﺳﭻ ﻭﮦ ﺑﮯ ﯾﻘﯿﻨﯽ ﺧﻮﺷﮕﻮﺍﺭ ﺣﯿﺮﺕ ﻣﯿﮟ ﮔﮭﺮﯼ ﺍﺳﮯ ﺩﯾﮑﮫ ﺭﮨﯽ ﺗﮭﯽ ۔

ﺍﯾﮏ ﻃﻤﺎﻧﯿﺖ ﺑﮭﺮﺍ ﺍﺣﺴﺎﺱ ﺍﺱ ﮐﮯ ﭘﻮﺭﮮ ﻭﺟﻮﺩ ﮐﻮ ﺍﭘﻨﯽ ﻟﭙﯿﭧ ﻣﯿﮟ ﻟﯿﻨﮯ ﻟﮕﺎ ﺗﮭﺎ۔

ﺍﻟﺒﺘﮧ ﺍﯾﮏ ﺑﺎﺕ ﻭﮦ ﺟﺎﻧﺘﯽ ﺗﮭﯽ۔

ﺍﺳﺘﻨﺒﻮﻝ ﮈﯼ ﺟﮯ ﮐﮯ ﺑﻐﯿﺮ ﮐﺒﮭﯽ ﺑﮭﯽ ﻭﯾﺴﺎ ﻧﮧ ﮨﻮ ﮔﺎ ﺟﯿﺴﺎ ﭘﮩﻠﮯ ﺗﮭﺎ۔

ﺗﻤﮩﺎﺭﺍ ﺩﻣﺎﻍ ﺩﺭﺳﺖ ﮨﮯ؟؟؟؟؟

ﮨﺎﺷﻢ ﻧﮯ ﺑﮯ ﯾﻘﯿﻨﯽ ﺳﮯ ﺍﭘﻨﯽ ﺑﯿﻮﯼ ﮐﻮ ﺩﯾﮑﮭﺎ۔

ﺟﻮ ﺑﺴﺘﺮ ﮐﮯ ﺩﻭﺳﺮﮮ ﮐﻨﺎﺭﮮ ﭘﺮ ﺑﯿﭩﮭﯽ ﺩﯾﮑﮫ ﺭﮨﯽ ﺗﮭﯽ۔

ﺍﻥ ﺩﻭﻧﻮﮞ ﮐﮯ ﺩﺭﻣﯿﺎﻥ ﺣﺎﺭﺙ ﺁﻧﮑﮭﯿﮟ ﻣﻮﻧﺪﮮ ﺳﻮﺭﮨﺎ ﺗﮭﺎ۔

ﺍﯾﺴﺎ ﮐﯿﺎ ﮐﮩﮧ ﺩﯾﺎ ﻣﯿﮟ ﻧﮯ؟؟؟

ﻭﮦ ﺟﯽ ﺑﮭﺮ ﮐﺮ ﮐﻮﻓﺖ ﮐﺎ ﺷﮑﺎﺭ ﮨﻮﺋﯽ۔

ﺗﻢ ﭘﺎﮔﻞ ﮨﻮ ﮔﺌﯽ ﮨﻮ .

ﺗﻤﮩﺎﺭﮮ ﺣﻮﺍﺱ ﺟﻮﺍﺏ ﺩﮮ ﮔﺌﮯ ﮨﯿﮟ ۔

ﺣﯿﺮﺕ ﮐﯽ ﺟﮕﮧ ﺍﺏ ﺟﮭﻨﺠﮭﻼﮨﭧ ﻧﮯ ﻟﮯ ﻟﯽ ﺗﮭﯽ۔

ﺣﻮﺍﺱ ﺗﻮ ﺗﻤﮩﺎﺭﮮ ﺟﻮﺍﺏ ﺩﮮ ﮔﺌﮯ ﮨﯿﮟ ۔

ﻣﯿﮟ ﺗﻤﮩﯿﮟ ﺍﺏ ﺍﯾﮏ ﺳﯿﺪﮬﺎ ﺳﺎﺩﮦ ﺳﺎ ﺣﻞ ﺑﺘﺎ ﺭﮨﯽ ﮨﻮﮞ ﺍﺱ ﺳﺎﺭﮮ ﻣﺴﺌﻠﮯ ﮐﺎ۔

ﺗﻢ ﺭﻭﺯ ﮐﮯ ﭼﻮﺑﯿﺲ ﮔﮭﻨﭩﮯ ﺑﮭﯽ ﮐﺎﻡ ﮐﺮﻭ ﺗﻮ ﺍﺱ ﺭﻗﻢ ﮐﮯ ﺁﺩﮬﮯ ﻟﯿﺮﺍﺯ ﺑﮭﯽ ﺗﻢ ﺳﮯ ﺍﮐﮭﭩﮯ ﻧﮩﯿﮟ ﮨﻮ ﻧﮕﮯ۔

ﺟﻮ ﮨﻤﯿﮟ ﺣﺎﺭﺙ ﮐﯽ ﺳﺮﺟﺮﯼ ﮐﮯ ﻟﯿﮯ ﭼﺎﮨﺌﮯ ۔

ﺍﻭﺭ ﺍﯾﺴﮯ ﻣﺖ ﺩﯾﮑﮭﻮ ﻣﺠﮭﮯ ۔

ﺁﺧﺮ ﻭ ﮦ ﺧﻔﺎ ﮨﻮ ﮐﺮ ﺑﻮﻟﯽ۔

ﭘﺎﺷﺎ ﻣﺠﮭﮯ ﺟﺎﻥ ﺳﮯ ﻣﺎﺭ ﺩﮮ ﮔﺎ ﻭﮦ ﺍﺳﮑﯽ ﻟﮍﮐﯽ ﮨﮯ۔

ﺍﻭﺭ ﭘﺎﺷﺎ ﮐﻮ ﮐﻮﻥ ﺑﺘﺎﺋﮯ ﮔﺎ ﺍﻭﺭ ﻭﮦ ﺗﻮ ﺍﯾﮏ ﮨﻔﺘﮧ ﭘﮩﻠﮯ ﺍﻧﮉﯾﺎ ﺟﺎ ﭼﮑﺎ ﮨﮯ۔

ﺗﻢ ﻧﮯ ﺧﻮﺩ ﮨﯽ ﻣﺠﮭﮯ ﺑﺘﺎﯾﺎ ﺗﮭﺎ۔

ﻭﮦ ﭼﻤﮏ ﮐﺮ ﺑﻮﻟﯽ۔ﻧﯿﻢ ﺭﻭﺷﻦ ﮐﻤﺮﮮ ﻣﯿﮟ ﺳﺒﺰ ﺑﻠﺐ ﮐﯽ ﻣﺪﮬﻢ ﺭﻭﺷﻨﯽ ﺍﺱ ﮐﮯ ﭼﮩﺮﮮ ﭘﺮ ﻋﺠﯿﺐ ﺳﺎ ﺗﺎﺛﺮ ﺩﮮ ﺭﮨﯽ ﺗﮭﯽ۔

ﻭﮦ ﺑﮭﺎﺭﺕ ﮔﯿﺎ ﮨﮯ ﻣﺮ ﻧﮩﯿﮟ ﮔﯿﺎ ۔

ﺟﻮ ﺍﺳﮯ ﮐﺒﮭﯽ ﭘﺘﮧ ﻧﮩﯿﮟ ﭼﻠﮯ ﮔﺎ ۔

ﻭﮦ ﻣﺠﮭﮯ ﺟﺎﻥ ﺳﮯ ﻣﺎﺭﺩﮮ ﮔﺎ ﺳﻠﻤﯽٰ۔

ﺗﻢ ﺍﭘﻨﯽ ﺟﺎﻥ ﺳﻨﺒﮭﺎﻟﮯ ﺭﮐﮭﻮ ﺍﻭﺭ ﺣﺎﺭﺙ ﮐﻮ ﻣﺮﻧﮯ ﮐﮯ ﻟﯿﮯ ﭼﮭﻮﮌ ﺩﻭ .

ﺳﻠﻤٰﯽ ﻣﯿﮟ ﺍﯾﺴﺎ ﻧﮩﯿﮟ ﮐﺮ ﺳﮑﺘﺎ۔

ﺍﺏ ﮐﮯ ﻭﮦ ﺗﺬﺑﺬﺏ ﺳﮯ ﺑﻮﻻ۔

ﺗﻮ ﺗﻢ ﮐﯿﺎ ﮐﺮ ﺳﮑﺘﮯ ﮨﻮ ﺗﻢ ﻧﮯ ﺣﺎﺭﭺ ﮐﮯ ﻟﯿﮯ ﮐﯿﺎ ﮨﯽ ﮐﯿﺎ ﮨﮯ؟؟؟؟

ﻣﯿﺮﺍ ﺑﯿﭩﺎ ﻣﺠﮭﮯ ﺑﮩﺖ ﮨﯽ ﭘﯿﺎﺭﺍ ﮨﮯ۔

ﺍﺱ ﻧﮯ ﺳﻮﺗﮯ ﮨﻮﺋﮯ ﺣﺎﺭﺙ ﭘﮧ ﺍﮎ ﻧﻈﺮ ﮈﺍﻟﯽ۔

ﻣﮕﺮ ﻭﮦ ﺑﮭﯽ ﺗﻮ ﮐﺴﯽ ﮐﯽ ﺑﯿﭩﯽ ﮨﮯ ۔

ﻣﯿﮟ ﺑﮭﯽ ﺗﻮ ﮐﺴﯽ ﮐﯽ ﺑﯿﭩﯽ ﺗﮭﯽ،،،،

ﻣﺠﮭﮯ ﺍﺱ ﮈﺭﺑﮯ ﻣﯿﮟ ﻻ ﮐﺮ ﭘﻞ ﭘﻞ ﻣﺎﺭﻧﮯ ﺳﮯ ﭘﮩﻠﮯ ﺗﻢ ﻧﮯ ﺳﻮﭼﺎ؟؟؟؟؟ .. ؟؟؟ . ؟؟ .....

ﻭﮦ ﭼﺎﺩﺭ ﮐﺎ ﮔﻮﻟﮧ ﭘﮭﻨﮑﺘﯽ ﺟﺎﺭﮨﺎﻧﺎ ﺍﻧﺪﺍﺯ ﻣﯿﮟ ﺍﺱ ﮐﯽ ﻃﺮﻑ ﺁﺋﯽ۔

ﺗﻢ ﻣﺮﺩ ﮨﻮ ﮐﺮ ﮐﯿﻮﻥ ﮈﺭﺗﮯ ﮨﻮ؟؟؟؟؟

ﺗﻢ ﭘﺎﺷﺎ ﮐﻮ ﻧﮩﯿﮟ ﺟﺎﻧﺘﯽ ۔

ﻣﯿﮟ ﺑﺲ ﺍﺗﻨﺎ ﺟﺎﻧﺘﯽ ﮨﻮ ﮞ ﮐﮧ ﻣﯿﺮﺍ ﺑﯿﭩﺎ ﻣﺮ ﺭﮨﺎ ﮨﮯ ﺍﺱ ﮐﺎ ﺯﻣﮧ ﺩﺍﺭ ﭘﺎﺷﺎ ﮨﮯ ﺑﺲ۔

ﺍﮔﺮ ﻭﮦ ﺗﻤﮩﯿﮟ ﺗﻤﮩﺎﺭﯼ ﻣﻄﻠﻮﺑﮧ ﺭﻗﻢ ﺩﮮ ﺩﯾﺘﺎ ﺗﻮ ﮨﻢ ﺁﺝ ﯾﮧ ﺳﺐ ﮐﺮﻧﮯ ﭘﺮ ﻣﺠﺒﻮﺭ ﻧﺎ ﮨﻮ ﺭﮨﮯ ﮨﻮﺗﮯ۔

ﮐﻮﺋﯽ ﭘﯿﺴﮯ ﮐﯽ ﮐﻤﯽ ﺗﻮ ﻧﮩﯿﮟ ﺍﺱ ﮐﮯ ﭘﺎﺱ

ﺍﺏ ﯾﺎ ﺗﻢ ﺍﺱ ﮐﺎ ﺧﯿﺎﻝ ﮐﺮ ﻟﻮ ﯾﺎ ﭘﮭﺮ ﺍﭘﻨﮯ ﺑﯿﭩﮯ ﮐﺎ ۔ﻓﯿﺼﻠﮧ ﺍﺏ ﺗﻤﮩﺎﺭﮮ ﮨﺎﺗﮫ ﻣﯿﮟ ﮨﮯ ۔

ﺳﻠﻤﯽٰ ﮐﮯ ﻧﻘﻮﺵ ﻣﺪﮬﻢ ﺭﻭﺷﻨﯽ ﻣﯿﮟ ﺑﮕﮍﺗﮯ ﮨﻮﺋﮯ ﺩﯾﮑﮭﺎﺋﯽ ﺩﮮ ﺭﮨﮯ ﺗﮭﮯ۔

ﮨﺎﺷﻢ ﻣﺘﺬﺑﺬﺏ ﺳﺎ ﺍﺳﮯ ﺩﯾﮑﮭﺘﺎ ﺭﮨﺎ۔ﻣﮕﺮ۔۔۔۔۔۔

ﻭﮦ ﺟﮩﺎﻥ ﮐﮯ ﺳﺎﺗﮫ ﺳﯿﺪﮬﯽ ﺍﺱ ﮐﮯ ﮔﮭﺮ ﺁﺋﯽ ﺗﮭﯽ۔

ﮐﮭﺎﻧﺎ ﮐﮭﺎ ﻟﯿﻨﮯ ﮐﮯ ﺑﻌﺪ ﺍﺱ ﻧﮯ ﺍﺟﺎﺯﺕ . ﭼﺎﮨﯽ۔

ﺍﺳﮑﺎ ﺳﺎﺭﺍ ﺳﺎﻣﺎﻥ ﺳﺒﺎﻧﺠﯽ ﮐﮯ ﮈﻭﺭﻡ ﻣﯿﮟ ﺭﮐﮭﺎ ﺗﮭﺎﺍﻭﺭ ﺟﺲ ﻣﯿﮟ ﻭﮦ ﺍﻓﺮﺍﺗﻔﺮﯼ ﻣﯿﮟ ﮔﺌﯽ ﺗﮭﯽ ۔

ﺳﻮﺍﺋﮯ ﭼﻨﺪ ﭼﯿﺰﻭﮞ ﮐﮯ ﺍﺱ ﻧﮯ ﮐﭽﮫ ﻧﮩﯿﮟ ﺍﭨﮭﺎﯾﺎ۔ﭘﮭﻮﭘﮭﻮ ﻧﮯ ﺍﺳﺮﺍﺭ ﺑﮭﯽ ﮐﯿﺎ ﺗﮭﺎ ﮐﮧ ﻭﮦ Holidays ﺧﺘﻢ ﮨﻮﻧﮯ ﺗﮏ ﺍﻥ ﮐﮯ ﭘﺎﺱ ﺭﮎ ﺟﺎﺋﮯ ﻟﯿﮑﻦ ﻭﮦ ﻧﮩﯿﮟ ﺭﮐﻨﺎ ﭼﺎﮨﺘﯽ ﺗﮭﯽ۔

ﻟﯿﮑﻦ ﺍﺱ ﻧﮯ ﮐﻞ ﺁﻧﮯ ﮐﺎ ﮐﮩﮧ ﺩﯾﺎ ﺗﮭﺎ۔

ﭘﮭﻮﭘﮭﻮ ﺯﺭﺍ ﺧﻔﺎ ﺗﮭﯽ۔ 4

" ﭘﮭﭙﮭﻮ ! ﻣﯿﮟ ﮐﻞ ﺁﻭﮞ ﮔﯽ ﻧﺎﮞ ﭘﺮﺍﻣﺲ۔ ﺍﺏ ﭼﻠﺘﯽ ﮨﻮﮞ "

" ﭨﮭﯿﮏ ﮨﮯ ﻣﮕﺮ ﮐﻞ ﺿﺮﻭﺭ ﺁﻧﺎ۔ " ﺟﮩﺎﻥ ﭨﺸﻮ ﺳﮯ ﮨﺎﺗﮫ ﺻﺎﻑ ﮐﺮﺗﮯ ﮨﻮﺋﮯ ﮈﺍﺋﻨﻨﮓ ﭨﯿﺒﻞ ﺳﮯ ﺍﭨﮭﺎ۔ ﺍﺳﮑﯽ ﺁﻧﮑﮭﯿﮟ ﺍﻭﺭ ﻧﺎﮎ ﮔﻼﺑﯽ ﭘﮍ ﭼﮑﮯ ﺗﮭﮯ۔ ﺳﺮﺩﻭ ﮔﺮﻡ ﻋﻼﻗﻮﮞ ﮐﮯ ﻣﺎﺑﯿﻦ ﺳﻔﺮ ﮐﺎ ﻣﻮﺳﻤﯽ ﺍﺛﺮ ﺗﮭﺎ ﮐﮧ ﺍﺳﺘﻨﺒﻮﻝ ﭘﮩﻨﭽﺘﮯ ﭘﮩﻨﭽﺘﮯ ﺍﺳﮑﺎ ﻓﻠﻮ ﺑﺨﺎﺭ ﻣﯿﮟ ﺑﺪﻝ ﮔﯿﺎ ﺗﮭﺎ۔

" ﺁﺅ ﻣﯿﮟ ﺗﻤﮩﯿﮟ ﭼﮭﻮﮌ ﺩﯾﺘﺎ ﮨﻮﮞ۔ "

" ﺻﺮﻑ ﻧﺎﻗﺴﻢ ﺗﮏ ﭼﮭﻮﮌﻧﺎ۔ ﺁﮔﮯ ﺳﮯ ﻣﯿﮟ ﮔﻮﺭﺳﻞ ﭘﮑﮍ ﻟﻮﮞ ﮔﯽ۔ "

" ﻣﯿﮟ ﺳﺒﺎﻧﺠﯽ ﺗﮏ ﭼﮭﻮﮌ ﺩﻭﮞ ﮔﺎ٬ ﻧﻮ ﭘﺮﺍﺑﻠﻢ۔ " ﻭﮦ ﭼﺎﺑﯽ ﭘﮑﮍﮮ، ﺟﯿﮑﭧ ﭘﮩﻨﺘﮯ ﮨﻮﺋﮯ ﺑﻮﻻ۔

" ﻧﮩﯿﮟ ﺍﺱ ﺑﺨﺎﺭ ﻣﯿﮟ ﺗﻢ ﺳﮯ ﭘﯿﻨﺘﺎﻟﯿﺲ ﻣﻨﭧ ﮐﯽ ﮈﺭﺍﺋﯿﻮﻧﮓ ﮐﺮﻭﺍﺋﯽ ﺗﻮ ﭘﯿﻨﺘﺎﻟﯿﺲ ﺩﻥ ﺗﮏ ﺗﻢ ﺟﺘﺎﺗﮯ ﺭﮨﻮ ﮔﮯ۔ ﻭﯾﺴﮯ ﺑﮭﯽ ﻣﺠﮫ ﭘﺮ ﺗﻤﮩﺎﺭﮮ ﺍﺣﺴﺎﻥ ﺑﮩﺖ ﺟﻤﻊ ﮨﻮ ﮔﺌﮯ ﮨﯿﮟ، ﺍﺗﻨﮯ ﺳﺎﺭﮮ ﮐﯿﺴﮯ ﺍﺗﺎﺭﻭﮞ ﮔﯽ ؟ " ﻭﮦ ﺍﺳﮑﮯ ﺳﺎﻣﻨﮯ ﺳﯿﻨﮯ ﭘﮧ ﺑﺎﺯﻭ ﻟﭙﯿﭩﮯ ﮐﮭﮍﯼ ﻣﺴﮑﺮﺍﺗﮯ ﮨﻮﺋﮯ ﮐﮩﮧ ﺭﮨﯽ ﺗﮭﯽ۔

" ﺍﺗﺎﺭﻧﮯ ﮐﮯ ﻟﺌﮯ ﮐﺲ ﻧﮯ ﮐﮩﺎ ﮨﮯ۔ "

ﻭﮦ ﺫﺭﺍ ﺳﺎ ﻣﺴﮑﺮﺍ ﮐﺮ ﺩﺭﻭﺍﺯﮮ ﮐﯽ ﺟﺎﻧﺐ ﺑﮍﮪ ﮔﯿﺎ۔ ﻭﮦ ﺍﺳﮑﯽ ﭘﺸﺖ ﮐﻮ ﺩﯾﮑﮭﮯ ﮔﺌﯽ۔ ﻭﻗﺖ ﮔﺰﺭﻧﮯ ﮐﮯ ﺳﺎﺗﮫ ﺳﺎﺗﮫ ﺟﮩﺎﻥ ﮐﺎ ﺭﻭﯾﮧ ﺍﺱ ﮐﮯ ﺳﺎﺗﮫ ﻧﺮﻡ ﭘﮍﺗﺎ ﺟﺎ ﺭﮨﺎ ﺗﮭﺎ۔ ﭘﺎﮐﺴﺘﺎﻥ ﻣﯿﮟ ﭘﮩﻠﮯ ﺩﻭ ﺩﻥ ﺗﻮ ﻭﮦ ﻻﺗﻌﻠﻖ ﺭﮨﺎ، ﺷﺎﯾﺪ ﺍﺱ ﻟﺌﮯ ﮐﮧ ﺩﻭﻧﻮﮞ ﮐﻮ ﭨﮭﯿﮏ ﺳﮯ ﺑﺎﺕ ﮐﺮﻧﮯ ﮐﺎ ﻣﻮﻗﻊ ﮨﯽ ﻧﮩﯿﮟ ﻣﻼ ﺗﮭﺎ ﻣﮕﺮ ﭘﮭﺮ ﺍﺱ ﻧﮯ ﺧﻮﺩ ﮨﯿﮟ ﮐﭽﮫ ﻣﺤﺴﻮﺱ ﮐﯿﺎ ﺗﮭﺎ ﺗﺐ ﮨﯽ ﻭﮦ ﺧﻮﺩ ﺁﮔﮯ ﺑﮍﮬﺎ ﺍﻭﺭ ﺍﻧﮑﮯ ﺩﺭﻣﯿﺎﻥ ﮐﮭﮍﯼ ﺳﺮﺩ ﺩﯾﻮﺍﺭ ﮈﮬﺎ ﺩﯼ ﻟﯿﮑﻦ ﮐﯿﺎ ﻭﮦ ﺍﺱ ﮐﮯ ﻟﺌﮯ ﻭﮦ ﻣﺤﺴﻮﺱ ﮐﺮﺗﺎ ﺗﮭﺎ، ﺟﻮ ﻭﮦ ﺍﺱ ﮐﮯ ﻟﺌﮯ ﮐﺮﺗﯽ ﺗﮭﯽ ؟ ﮐﯿﺎ ﺍﺳﮯ ﺍﻧﮑﺎ ﻭﮦ ﺑﮭﻮﻻ ﺑﺴﺮﺍ ﺭﺷﺘﮧ ﯾﺎﺩ ﺗﮭﺎ ﺟﺲ ﮐﮯ ﻣﺘﻌﻠﻖ ﺍﺱ ﮔﮭﺮ ﻣﯿﮟ ﮐﻮﺋﯽ ﺑﺎﺕ ﻧﮩﯿﮟ ﮐﺮﺗﺎ ﺗﮭﺎ۔ ﺍﺑﮭﯽ ﮐﭽﮫ ﺩﻥ ﻭﮦ ﺍﻥ ﮐﮯ ﮔﮭﺮ ﺭﮨﮯ ﮔﯽ ﺗﻮ ﺍﻥ ﺳﺎﺭﮮ ﺳﻮﺍﻟﻮﮞ ﮐﮯ ﺟﻮﺍﺏ ﮈﮬﻮﻧﮉﻧﮯ ﮐﯽ ﺿﺮﻭﺭ ﮐﻮﺷﺶ ﮐﺮﮮ ﮔﯽ۔

ﺍﺱ ﻧﮯ ﺗﮩﯿﮧ ﮐﺮ ﻟﯿﺎ ﺗﮭﺎ۔

ﻧﺎﻗﺴﻢ ﺍﺳﮑﻮﺍﺋﺮ ﮐﺎ ﻣﺠﺴﻤﮧ ﺁﺯﺍﺩﯼ ﺍﺳﯽ ﻃﺮﺡ ﺗﮭﺎ ﺟﯿﺴﮯ ﻭﮦ ﭼﮭﻮﮌ ﮐﺮ ﮔﺌﯽ ﺗﮭﯽ۔ ﻣﺠﺴﻤﮯ ﮐﮯ ﮔﺮﺩ ﮔﻮﻝ ﭼﮑﺮ ﻣﯿﮟ ﺍﮔﯽ ﮔﮭﺎﺱ ﭘﮧ ﺳﺮﺥ ﺍﻭﺭ ﺯﺭﺩ ﭨﯿﻮﻟﭗ ﻓﯿﺴﭩﻮﻝ ﮐﮯ ﭘﻮﺳﭩﺮﺯ ﻟﮕﮯ ﺗﮭﮯ، ﺟﻮ ﮨﺮ ﺳﺎﻝ ﮐﯽ ﻃﺮﺡ ﺍﺱ ﻣﻮﺳﻢ ﺑﮩﺎﺭ ﻣﯿﮟ ﺑﮭﯽ ﺍﺳﺘﻨﺒﻮﻝ ﻣﯿﮟ ﻣﻨﻌﻘﺪ ﮨﻮﻧﺎ ﺗﮭﺎ۔ ﭨﯿﻮﻟﭗ ﮐﺎ ﭘﮭﻮﻝ ﺍﺳﺘﻨﺒﻮﻝ ﮐﺎ " ﺳﻤﺒﻞ " ﺗﮭﺎ، ﻣﮕﺮ ﺍﻧﮑﯽ ﺩﻟﻔﺮﯾﺐ ﻣﮩﮏ ﻣﯿﮟ ﮈﻭﺑﺎ ﻧﺎﻗﺴﻢ ﺍﺳﮑﻮﺍﺋﺮ ﺣﯿﺎ ﮐﻮ ﺧﺰﺍﮞ ﺁﻟﻮﺩ ﻟﮕﺎ ﺗﮭﺎ۔ ﻭﮦ ﺑﮩﺎﺭ ﺍﺏ ﻭﮨﺎﮞ ﻧﮩﯿﮟ ﺗﮭﯽ ﺟﯿﺴﮯ ﮈﯼ ﺟﮯ ﻧﮩﯿﮟ ﺗﮭﯽ۔

" ﺗﻢ ﺟﺎ ﺭﮨﯽ ﮨﻮ، ﺣﺎﻻﻧﮑﮧ ﻣﯿﮟ ﭼﺎﮨﺘﺎ ﺗﮭﺎ ﺗﻢ ﮐﭽﮫ ﺩﻥ ﮨﻤﺎﺭﮮ ﮔﮭﺮ ﺭﮨﻮ " ﮔﺎﮌﯼ ﺭﻭﮐﺘﮯ ﮨﻮﺋﮯ ﺟﮩﺎﻥ ﻧﮯ ﭼﮩﺮﮦ ﺍﺳﮑﯽ ﻃﺮﻑ ﻣﻮﮌﮮ ﺳﻨﺠﯿﺪﮔﯽ ﺳﮯ ﮐﮩﺎ۔

" ﻣﯿﮟ ﮐﻞ ﺁﺟﺎﺅﮞ ﮔﯽ ﻣﮕﺮ ﮐﻞ ﺗﮏ ﻣﯿﮟ ﺳﺒﺎﻧﺠﯽ، ﺍﭘﻨﺎ ﮈﻭﺭﻡ ﺑﻼﮎ، ﺟﮭﯿﻞ ﺍﻭﺭ ﮨﺮ ﻭﮦ ﺟﮕﮧ ﺟﮩﺎﮞ ﻣﯿﮟ ﺍﻭﺭ ﮈﯼ ﺟﮯ ﺍﮐﭩﮭﮯ ﮔﺌﮯ ﺗﮭﮯ، ﺍﯾﮏ ﺩﻓﻌﮧ ﭘﮭﺮ ﺳﮯ ﺩﯾﮑﮭﻨﺎ ﭼﺎﮨﺘﯽ ﮨﻮﮞ۔ " ﺍﮐﯿﻠﮯ، ﺑﺎﻟﮑﻞ ﺍﮐﯿﻠﮯ۔۔ ﻣﯿﮟ ﺍﻥ ﺑﯿﺘﮯ ﻟﻤﺤﻮﮞ ﮐﻮ ﭘﮭﺮ ﺳﮯ ﺟﯿﻨﺎ ﭼﺎﮨﺘﯽ ﮨﻮﮞ۔ "

" ﻣﺖ ﮐﺮﻭ۔ ﺗﻤﮩﯿﮟ ﺗﮑﻠﯿﻒ ﮨﻮ ﮔﯽ۔ "

" ﺑﮩﺖ ﺗﮑﻠﯿﻒ ﺳﮩﮧ ﻟﯽ ﺍﺏ ﺍﺱ ﺳﮯ ﺯﯾﺎﺩﮦ ﺗﮑﻠﯿﻒ ﻣﺠﮭﮯ ﻧﮩﯿﮟ ﻣﻞ ﺳﮑﺘﯽ۔ " ﺍﺱ ﻧﮯ ﺑﮭﯿﮕﯽ ﺁﻧﮑﮭﻮﮞ ﮐﺎ ﮐﻮﻧﺎ ﺍﻧﮕﻠﯽ ﮐﯽ ﻧﻮﮎ ﺳﮯ ﺻﺎﻑ ﮐﺮﺗﮯ ﮨﻮﺋﮯ ﮐﮩﺎ۔

" ﺍﻭﮐﮯ "! ﺍﺱ ﻧﮯ ﺳﻤﺠﮫ ﮐﺮ ﺳﺮ ﮨﻼ ﺩﯾﺎ۔ ﺍﺳﮑﮯ ﭼﮩﺮﮮ ﭘﮧ ﺍﺑﮭﯽ ﺗﮏ ﻧﻘﺎﮨﺖ ﺗﮭﯽ۔

ﺟﮩﺎﻥ ﭼﻼ ﮔﯿﺎ ﺍﻭﺭ ﻭﮦ ﻣﺠﺴﻤﮧ ﺁﺯﺍﺩﯼ ﮐﮯ ﮔﺮﺩ ﺍﮔﯽ ﮔﮭﺎﺱ ﮐﮯ ﻗﺮﯾﺐ ﺟﺎ ﮐﮭﮍﯼ ﮨﻮﺋﯽ۔ ﻭﮦ ﮔﮭﺎﺱ ﮐﺎ ﮔﻮﻝ ﻗﻄﻌﮧ ﺍﺭﺍﺿﯽ ﺩﺭﺍﺻﻞ ﯾﻮﮞ ﺗﮭﺎ، ﺟﯿﺴﮯ ﮐﻮﺋﯽ ﭼﭙﭩﺎ ﺭﮐﮭﺎ ﮔﻮﻝ ﺳﺎ ﺳﺒﺰ ﭘﮭﻮﻝ ﮨﻮ ﺟﺲ ﮐﯽ ﺳﺒﺰ ﭘﺘﯿﺎﮞ ﺑﻨﯽ ﮨﻮﮞ، ﺍﻭﺭ ﭘﺘﯽ ﮐﮯ ﺩﺭﻣﯿﺎﻥ ﺍﯾﮏ ﺳﯿﺪﮬﯽ ﺭﻭﺵ ﺗﮭﯽ ﺟﻮ ﻣﺠﺴﻤﮯ ﺗﮏ ﮐﮯ ﺟﺎﺗﯽ ﺗﮭﯽ۔

ﻧﺎﻗﺴﻢ ﮐﮯ ﮨﺮ ﭘﮭﻮﻝ،ﮨﺮ ﭘﺘﮭﺮ ﺍﻭﺭ ﮨﺮ ﺑﺎﺩﻝ ﭘﮧ ﺟﯿﺴﮯ ﯾﺎﺩﯾﮟ ﺭﻗﻢ ﺗﮭﯿﮟ۔

ﻭﮦ ﺍﺳﮑﺎ ﺍﻭﺭ ﮈﯼ ﺟﮯ ﮐﺎ ﺯﯾﺮﻭ ﭘﻮﺍﺋﻨﭧ ﺗﮭﺎ۔ ﻣﯿﻦ ﺳﭩﺎﭖ۔ ﮨﺮ ﺩﻭﺳﺮﮮ ﺩﻥ ﻭﮦ ﯾﮩﺎﮞ ﺁﺗﯽ ﺗﮭﯿﮟ، ﮔﻮﺭﺳﻞ ﺍﻧﮩﯿﮟ ﯾﮩﯿﮟ ﺟﻮ ﺍﺗﺎﺭﺍ ﮐﺮﺗﯽ ﺗﮭﯽ۔ ﯾﮩﺎﮞ ﺳﮯ ﺁﮔﮯ ﻭﮦ ﻣﯿﭩﺮﻭ ﭨﺮﯾﻦ ﭘﮑﮍ ﻟﯿﺎ ﮐﺮﺗﯽ ﺗﮭﯿﮟ۔ ﺍﺱ ﺍﺳﮑﻮﺍﺋﺮ ﮐﺎ ﭼﭙﮧ ﭼﭙﮧ ﺍﻧﮩﯿﮟ ﯾﺎﺩ ﺗﮭﺎ ﺍﻭﺭ ﮈﯼ ﺟﮯ ﮐﮯ ﺑﻐﯿﺮ ﺳﺐ ﮐﭽﮫ ﺍﺩﮬﻮﺭﺍ ﺗﮭﺎ۔

ﺍﻭﺭ ﺍﺳﻄﺮﻑ ﺍﺳﺘﻘﻼﻝ ﺍﺳﭩﺮﯾﭧ ﺗﮭﯽ۔ ﻭﮨﺎﮞ ﺳﮯ ﮐﯽ ﮔﺌﯽ ﺍﻧﮑﯽ ﮈﮬﯿﺮﻭﮞ ﺷﺎﭘﻨﮓ ﺟﻮ ﺭﺍﺋﯿﮕﺎﮞ ﭼﻠﯽ ﮔﺌﯽ۔

ﺍﺳﭩﺮﯾﭧ ﺁﺝ ﺑﮭﯽ ﻭﯾﺴﯽ ﮨﯽ ﺗﮭﯽ،ﺑﮩﺖ ﻃﻮﯾﻞ،ﻧﮧ ﺧﺘﻢ ﮨﻮﻧﮯ ﻭﺍﻟﯽ۔۔۔ﻣﮕﺮ ﺯﻧﺪﮔﯽ ﺧﺘﻢ ﮨﻮ ﮔﺌﯽ ﺗﮭﯽ -

ﮔﻮﺭﺳﻞ ﮐﯽ ﮐﮭﮍﮐﯽ ﮐﮯ ﺷﯿﺸﮯ ﮐﮯ ﭘﺎﺭ ﻭﮦ ﺑﺎﺳﻔﻮﺭﺱ ﮐﺎ ﻋﻈﯿﻢ ﺍﻟﺸﺎﻥ ﺳﻤﻨﺪﺭ ﺩﯾﮑﮫ ﺭﮨﯽ ﺗﮭﯽ۔ﻭﮨﺎﮞ ﺳﮯ ﺍﯾﮏ ﻓﯿﺮﯼ ﮔﺰﺭ ﺭﮨﺎ ﺗﮭﺎ۔ﺍﺳﮯ ﯾﺎﺩ ﺗﮭﺎ ﺟﺐ ﭘﮩﻠﯽ ﺩﻓﻌﮧ ﺍﻥ ﺩﻭﻧﻮ ﻧﮯ ﺍﺳﯽ ﺟﮕﮧ ﭘﻞ ﭘﺎﺭ ﮐﺮﺗﮯ ﮨﻮﺋﮯ ﻧﯿﭽﮯ ﻓﯿﺮﯼ ﺗﯿﺮﺗﺎ ﺩﯾﮑﮭﺎ ﺗﮭﺎ ﺗﻮ ﻭﮦ ﺗﻮ ﺧﻮﺷﯽ ﺍﻭﺭ ﺟﻮﺵ ﺳﮯ ﭘﺎﮔﻞ ﮨﯽ ﮨﻮ ﮔﺌﯽ ﺗﮭﯿﮟ۔ﻭﮦ ﮐﺒﮭﯽ ﺑﺤﺮﯼ ﺟﮩﺎﺯ ﻣﯿﮟ ﻧﮩﯿﮟ ﺑﯿﭩﮭﯽ ﺗﮭﯽ ﺍﻭﺭ ﺻﺮﻑ ﺍﺳﮯ ﺩﯾﮑﮫ ﮐﺮﮨﯽ ﻭﮦ ﭘﺮﺟﻮﺵ ﮨﻮ ﮔﺌﯽ ﺗﮭﯿﮟ،ﭘﮭﺮ ﻓﯿﺮﯼ ﻭﮨﯿﮟ ﺭﮦ ﮔﯿﺎ ﺍﻭﺭ ﺯﻧﺪﮔﯽ ﺧﺘﻢ ﮨﻮ ﮔﺌﯽ۔۔

ﺩﻭﭘﮩﺮ ﮐﯽ ﭨﮭﻨﮉﯼ ﭨﮭﻨﮉﯼ ﺩﮬﻮﭖ ﺳﺒﺎﻧﺠﯽ ﮐﮯ ﺩﺭﻭﺩﯾﻮﺍﺭ ﭘﺮ ﭘﮭﯿﻠﯽ ﺗﮭﯽ۔ﮈﺭﻭﻡ ﺑﻼﮐﺲ ﺗﻘﺮﯾﺒﺎً ﻭﯾﺮﺍﻥ ﭘﮍﮮ ﺗﮭﮯ۔ﺍﺳﭙﺮﻧﮓ ﺑﺮﯾﮏ ﺍﺑﮭﯽ ﺧﺘﻢ ﻧﮩﯿﮟ ﮨﻮﺋﯽ ﺗﮭﯽ ﺍﻭﺭ ﺍﺳﭩﻮﮈﻧﭩﺲ ﺍﭘﻨﮯ ﺍﭘﻨﮯ ﭨﻮﺭﺯ ﭘﮧ ﺗﮭﮯ ﺍﺳﮯ ﮐﺴﯽ ﮐﻮ ﺑﮭﯽ ﺍﻃﻼﻉ ﺩﯾﻨﮯ ﮐﺎ ﮨﻮﺵ ﻧﮩﯿﮟ ﺗﮭﺎ،ﻣﮕﺮ ﭘﺎﮐﺴﺘﺎﻥ ﺭﻭﺍﻧﮕﯽ ﻭﺍﻟﮯ ﺩﻥ ﺟﺎﻧﮯ ﮨﺎﻟﮯ ﮐﻮ ﮐﺴﯽ ﻧﮯ ﺑﺘﺎﯾﺎ ﺍﻭﺭ ﭘﮭﺮ ﺳﺐ ﮐﮯ ﻓﻮﻥ ﺁﻧﮯ ﻟﮕﮯ ﺗﮭﮯ۔ﻣﻘﺼﻢ،ﺣﺴﯿﻦ،ﭦﺍﻟﯽ،ﺱ ­ﺍﺭﮦ،ﻟﻄﯿﻒ،ﺍﻧﺠﻢ ﺑﺎﺟﯽ ﺳﺐ ﺍﺳﮯ ﺑﺮﺍﺑﺮ ﻓﻮﻥ ﮐﺮ ﺭﮨﮯ ﺗﮭﮯ،ﻣﮕﺮ ﻭﮦ ﺳﺐ ﯾﻘﯿﻨﺎً ﺍﺑﮭﯽ ﻭﺍﭘﺲ ﻧﮩﯿﮟ ﺁﮰ ﺗﮭﮯ۔

ﻭﮦ ﺍﭘﻨﮯ ﮈﻭﺭﻡ ﺑﻼﮎ ﮐﯽ ﺳﯿﮍﮬﯿﺎﮞ ﭼﮍﮬﻨﮯ ﻟﮕﯽ۔ﺟﺐ ﻭﮦ ﺳﺒﺎﻧﺠﯽ ﺁ ﺋﯽ ﺗﮭﯿﮟ ﺗﻮ ﺍﻥ ﺯﻣﯿﻨﻮﮞ ﭘﮧ ﺑﺮﻑ ﺟﻤﯽ ﮨﻮﺋﯽ ﺗﮭﯽ۔ﺍﺏ ﻭﮦ ﺑﺮﻑ ﺑﮩﺎﺭ ﻟﮯ ﮔﺊ ﺗﮭﯽ۔۔ ﺍﺱ ﻧﮯ ﮔﺮﺩﻥ ﺍﭨﮭﺎ ﮐﮯ ﺑﺎﻟﮑﻮﻧﯽ ﮐﮯ ﺑﻠﺐ ﮐﻮ ﺩﯾﮑﮭﺎ ﺍﻭﺭ ﭘﮭﺮﺍﺩﺍﺳﯽ ﺳﮯ ﻣﺴﮑﺮﺍ ﺩﯼ ۔ﮐﺘﻨﺎ ﮈﺭ ﮔﮱ ﻭﮦ ﭘﮩﻠﮯ ﺩﻥ ﮐﮧ ﭘﺘﺎ ﻧﮩﯿﮟ ﯾﮩﺎﮞ ﮐﻮﻥ ﺳﮯ ﺟﻦ ﺑﮭﻮﺕ ﮨﯿﮟ۔۔

" ﻧﮑﻠﮯ ﮨﻢ ﻭﮨﯽ ٬ﭘﺎﮐﺴﺘﺎﻥ ﮐﮯ ﭘﯿﻨﮉﻭ " ﮨﺎﻟﮯ ﮐﮯ ﯾﮧ ﺑﺘﺎﻧﮯ ﭘﺮ ﮐﮧ ﯾﮧ ﭨﯿﮑﻨﺎﻟﻮﺟﯽ ﮐﺎ ﮐﺮﺷﻤﮧ ﮨﮯ٬ﮈﯼ ﺟﮯ ﺍﺱ ﮐﮯ ﺟﺎﻧﮯ ﮐﮯ ﺑﻌﺪ ﮐﺘﻨﯽ ﮨﯽ ﺩﯾﺮ ﺍﻓﺴﻮﺱ ﮐﺮﺗﯽ ﺭﮨﯽ ﺗﮭﯽ۔

ﺍﺱ ﻧﮯ ﮈﻭﺭﻡ ﮐﺎ ﻻﮎ ﮐﮭﻮﻻ۔

ﮐﻤﺮﮦ ﺳﻨﺴﺎﻥ ﭘﮍﺍ ﺗﮭﺎ۔ﺻﺎﻑ ﺳﺘﮭﺮﮮ ﺑﻨﮯ ﮨﻮﮰ ﺑﺴﺘﺮ٬ﻣﯿﺰ ﭘﮧ ﺗﺮﺗﯿﺐ ﺳﮯ ﺭﮐﮭﯽ ﭼﯿﺰﯾﮟ ٬ ﮈﯼ ﺟﮯ ﮐﮯ ﺑﯿﻨﮏ ﮐﯽ ﻣﯿﺰ ﺍﻟﺒﺘﮧ ﺧﺎﻟﯽ ﺗﮭﯽ۔ﺍﺱ ﮐﯽ ﺳﺎﺭﯼ ﭼﯿﺰﯾﮟ ﺣﯿﺎ ﻧﮯ ﺍﺱ ﮐﮯ ﺑﮭﺎﺋﯽ ﮐﻮ ﭘﯿﮏ ﮐﺮ ﮐﮯ ﺩﯼ ﺗﮭﯿﮟ۔۔

ﻭﮦ ﮐﮭﮍﮐﯽ ﮐﮯ ﭘﺎﺱ ﺁﮐﮭﮍﯼ ﮨﻮﺋﯽ ﺍﻭﺭ ﺳﻼﺋﯿﮉ ﮐﮭﻮﻟﯽ۔۔

" ﮔﮉ۔۔۔ﮔﮉﻣﺎ۔۔۔۔ " ﺍﺱ ﻧﮯ ﮐﮩﻨﺎ ﭼﺎﮨﺎ ﻣﮕﺮ ﺁﻭﺍﺯ ﮔﻠﮯ ﻣﯿﮟ ﮨﯽ ﺍﭨﮏ ﮔﺌﯽ۔ ﺁﻧﺴﻮﺅﮞ ﻧﮯ ﺍﺱ ﮐﺎ ﮔﻼ ﺑﻨﺪ ﮐﺮ ﺩﯾﺎ ﺗﮭﺎ۔۔ﺩﻭﺭ ﮐﮩﯿﮟ ﮐﺴﯽ ﺩﻭﺳﺮﮮ ﺑﻼﮎ ﺳﮯ ﮈﯼ ﺟﮯ ﮐﻮ ﺟﻮﺍﺏ ﺩﯾﻨﮯ ﻭﺍﻟﮯ ﻟﮍﮐﮯ ﻧﮯ ﺍﺗﻨﮯ ﺩﻥ ﻏﯿﺮ ﺣﺎﺿﺮﯼ ﭘﮧ ﮐﭽﮫ ﺗﻮ ﺳﻮﭼﺎ ﮨﻮﮔﺎ٬ﻣﮕﺮ ﺷﺎﯾﺪ ﻭﮦ ﺧﻮﺩ ﺑﮭﯽ ﺍﺳﭙﺮﻧﮓ ﺑﺮﯾﮏ ﭘﮧ ﮨﻮ۔۔ﺍﺏ ﻭﮦ ﺁﮰ ﮔﺎ ﺗﻮ ﺍﺳﮯ ﮐﻮﺋﯽ ﺁﻭﺍﺯ ﻧﮩﯿﮟ ﺁﮰ ﮔﯽ۔۔ﺍﺳﮯ ﮐﯿﺎ ﻣﻌﻠﻮﻡ ﺍﺏ ﺳﺎﺭﯼ ﺁﻭﺍﺯﯾﮟ ﺧﺘﻢ ﮨﻮ ﮔﺌﯿﮟ۔

" ﮔﮉ ﻣﺎﺭﻧﻨﮓ ﮈﯼ ﺟﮯ "! ﺍﺱ ﻧﮯ ﮐﮭﮍﮐﯽ ﻣﯿﮟ ﮐﮭﮍﮮ ﺑﮭﯿﮕﯽ ' ﺑﮯﺣﺪ ﻣﺪﮨﻢ ﺁﻭﺍﺯ ﻣﯿﮟ ﮈﯼ ﺟﮯ ﮐﻮ ﭘﮑﺎﺭﺍ۔۔ﺁﻧﺴﻮ ﺍﺱ ﮐﯽ ﭘﻠﮑﻮﮞ ﺳﮯ ﭨﻮﭦ ﮐﺮ ﭼﮩﺮﮮ ﭘﺮ ﻟﮍﮬﮏ ﺭﮨﮯ ﺗﮭﮯ۔۔

ﺟﻮﺍﺏ ﻧﮩﯿﮟ ﺁﯾﺎ ﺗﮭﺎ۔۔ﺍﺏ ﺟﻮﺍﺏ ﮐﺒﮭﯽ ﻧﮩﯿﮟ ﺁﻧﺎ ﺗﮭﺎ۔۔

ﻭﮦ ﭘﻠﭧ ﮐﺮ ﺍﭘﻨﮯ ﺑﯿﻨﮏ ﮐﯽ ﻃﺮﻑ ﺁﺋﯽ ﺍﻭﺭ ﺷﺎﻧﮯ ﺳﮯ ﭘﺮﺱ ﺍﺗﺎﺭ ﮐﺮ ﻣﯿﺰ ﭘﺮ ﺭﮐﮭﺎ٬ﭘﮭﺮ ﺯﺏ ﮐﮭﻮﻝ ﮐﺮ ﺍﻧﺪﺭ ﺳﮯ ﻟﮑﮍﯼ ﮐﺎ ﻭﮦ ﭼﮭﻮﭨﺎ ﺳﺎ ﮈﺑﺎ ﻧﮑﺎﻻ۔۔ﺍﺱ ﮐﺎ ﺟﻮﺍﺏ ﺍﺏ ﺍﺳﮯ ﮈﮬﻮﻧﮉﻧﺎ ﺗﮭﺎ۔۔

" ﺍﻭﻭﮦ ﺣﯿﺎ۔۔ﺗﻢ ﮐﺐ ﺁﺋﯿﮟ؟ " ﺁﻭﺍﺯ ﭘﮧ ﻭﮦ ﭼﻮﻧﮏ ﮐﺮ ﭘﻠﭩﯽ ﮐﮭﻠﮯ ﺩﺭﻭﺍﺯﮮ ﻣﯿﮟ ﻣﻘﺼﻢ ﮐﮭﮍﺍ ﺗﮭﺎﻭﮦ ﭼﻮﻧﮏ ﮐﺮ ﭘﻠﭩﯽ ﮐﮭﻠﮯ ﺩﺭﻭﺍﺯﮮ ﻣﯿﮟ ﻣﻘﺼﻢ ﮐﮭﮍﺍ ﺗﮭﺎ ﺍﻭﺭ ﺭﺍﮨﺪﺍﺭﯼ ﺳﮯ ﮔﺰﺭﺗﮯ ﮨﻮﺋﮯ ﺍﺳﮯ ﺩﯾﮑﮫ ﮐﺮ ﺣﯿﺮﺕ ﺳﮯ ﺭﮐﺎ ﺗﮭﺎ۔۔

" ﺁﺝ ﮨﯽ ﺁﺋﯽ ﮨﻮﮞ۔ﺗﻢ ﺳﺐ ﻭﺍﭘﺲ ﺁﮔﮱ؟ " ﺍﺳﮯ ﯾﮏ ﮔﻮ ﻧﺎ ﮔﻮ ﺍﻃﻤﯿﻨﺎﻥ ﮐﺎ ﺍﺣﺴﺎﺱ ﮨﻮﺍ ﻭﮦ ﮈﺑﺎ ﮨﺎﺗﮫ ﻣﯿﮟ ﻟﯿﺌﮯ ﺍﺳﮑﯽ ﻃﺮﻑ ﺁﮔﺌﯽ۔۔

" ﻧﮩﯿﮟ ﻭﮦ ﺳﺐ ﺗﻮ ﺍﺑﮭﯽ ﮐﻮﻧﯿﺎ ﻣﯿﮟ ﮨﯿﮟ۔ﻣﺠﮭﮯ ﺫﺭﺍ ﮐﺎﻡ ﺗﮭﺎ ﺍﺱ ﮐﮯ ﻟﯿﮯ ﺁﯾﺎ ﺗﮭﺎ " ﻭﮦ ﺩﺍﻧﺴﺘﮧ ﻟﻤﺤﮯ ﺑﮭﺮ ﮐﻮ ﺭﮐﺎ۔ " ﻣﺠﮭﮯ ﺍﺑﮭﯽ ﺗﮏ ﯾﻘﯿﻦ ﻧﮩﯿﮟ ﺁﺭﮨﺎ ﮐﮧ ﺧﺪﯾﺠﮧ۔۔۔ﺍﺗﻨﺎ ﺍﭼﺎﻧﮏ ﮐﯿﺴﮯ ﮨﻮﺍ؟ "

ﺍﻟﻠﮧ ﮐﯽ ﻣﺮﺿﯽ ﺗﮭﯽ ﻣﻘﺼﻢ ! ﮈﺍﮐﭩﺮ ﮐﮭﮧ ﺭﮨﺎ ﺗﮭﺎ ﮐﮧ ﺑﯿﺮﯼ ﺍﻧﯿﻮﺭﺯﻡ ﭘﮭﭩﮯ ﺗﻮ ﺍﯾﺴﺎ ﮨﯽ ﮨﻮﺗﺎ ﮨﮯﺍﭼﺎﻧﮏ ﺳﮯ ﺍﻧﺴﺎﻥ ﮐﻮﻟﯿﭙﺲ ﮐﺮﺗﺎ ﮨﮯ ﺍﻭﺭ ﺍﭼﺎﻧﮏ ﻣﺮ ﺟﺎﺗﺎ ﮨﮯ۔۔ﺑﮩﺖ ﮐﻢ ﻟﻮﮔﻮﮞ ﮐﻮ ﭼﻨﺪ ﺭﻭﺯ ﻗﺒﻞ ﺩﺭﺩ ﺷﺮﻭﻉ ﮨﻮﺗﺎ ﮨﮯ،ﮈﯼ ﺟﮯ ﮐﻮ ﺑﮭﯽ ﮨﻮﺍ ﺗﮭﺎ ﻣﮕﺮ ﺍﺱ ﻧﮯ ﻣﯿﮕﺮﯾﻦ ﺳﻤﺠﮫ ﮐﺮ ﻧﻈﺮ ﺍﻧﺪﺍﺯ ﮐﯿﮯ ﺭﮐﮭﺎ ﺍﻭﺭ ﭘﮭﺮ۔۔۔ﭘﮭﺮ ﺳﺐ ﺧﺘﻢ ﮨﻮ ﮔﯿﺎ۔۔ "

" ﺩﻭﺳﺘﻮﮞ ﮐﻮ ﮐﮭﻮﻧﺎ ﺑﮩﺖ ﺗﮑﻠﯿﻒ ﺩﮦ ﮨﻮﺗﺎ ﮨﮯ۔۔ ﻣﯿﮟ ﺳﻤﺠﮫ ﺳﮑﺘﺎ ﮨﻮﮞ " ﺩﻭﻧﻮ ﺍﺳﯽ ﻃﺮﺡ ﭼﻮﮐﮭﭧ ﭘﮧ ﮐﮭﮍﮮ ﺗﮭﮯ ...

ﺟﺎﺭﯼ ﻫﮯ